Fara í efni  

Fréttir

Ráđstefna um áhrif háskóla og menntunar á byggđaţróun

Ráðstefna Nordregio, iðnaðarráðuneytis og Byggðastofnunar um áhrif háskóla og menntunar á byggðaþróun var haldin í Reykjavík miðvikudaginn 24. júní síðastliðinn.


Nordregio (Norræna fræðastofnunin í skipulags- og byggðamálum), Iðnaðarráðuneytið og Byggðastofnun, í samstarfi við Norrænu embættismannanefndina, stóðu fyrir ráðstefnu um áhrif háskóla og menntunar á byggðaþróun s.l. miðvikudag, 24. júní. Ráðstefnan var haldin á Grand Hotel og hana sóttu nálægt 80 manns.

Ráðstefnuna setti Katrín Júlíusdóttir iðnaðarráðherra. Þrír erlendir fyrirlesarar voru á ráðstefnunni, auk Ole Damsgaard forstjóra Nordregio sem stjórnaði pallborðsumræðum í lok ráðstefnunnar.

Sigrid Hedin greindi frá nýrri rannsókn Nordregio á hlutverki og áhrifum svæðisháskóla á nærumhverfið og þróun byggðar. Einnig héldu erindi Eija-Riitta Ninikoski frá Háskólanum í Oulu í Finnlandi og Peter Arbo, prófessor við norska sjávarútvegsháskólann í Tromsö.

Að loknum erindum erlendu gestanna voru flutt fjögur styttri íslensk erindi, en ræðumenn voru Stefanía Steinsdóttir frá Atvinnuþróunarfélagi Eyjafjarðar sem fjallaði um Háskólann á Akureyri, Steingerður Hreinsdóttir frá Atvinnuþróunarfélagi Suðurlands fyrir hönd Háskólafélags Suðurlands, Peter Weiss forstöðumaður Háskólaseturs Vestfjarða og Rögnvaldur Ólafsson, forstöðumaður Stofnunar fræðasetra HÍ. Sveinn Þorgrímsson skrifstofustjóri í iðnaðarráðneytinu var ráðstefnustjóri.

Hægt verður að nálgast glærur frá ráðstefnunni hér á síðunni innan skamms

   

Sigrid Hedin frá Nordregio í ræðustól

 

Frá pallborðsumræðum í lok ráðstefnunnar


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389