Fréttir

Frá úthlutun styrkja úr DalaAuði í júní

Nú hafa öll byggðarlögin sem starfa undir merkjum Brothættra byggða úthlutað styrkjum úr Frumkvæðissjóði hvers byggðarlags til fjölbreyttra frumkvæðisverkefna á árinu 2023. Margar áhugaverðar umsóknir bárust sem bera þess merki að það er kraftur í íbúum og ljóst að mörg eru tilbúin til að leggja sitt lóð á vogarskálarnar til að efla sitt byggðarlag. Samtals bárust 111 umsóknir í sjóðina fimm. Styrkjum var úthlutað til samtals 72 verkefna en heildarúthlutun að þessu sinni var 48.550.000 m.kr. Verkefnin eru af ýmsum toga en eiga það öll sameiginlegt að til þeirra er stofnað af metnaði þar sem markmiðið er að styrkja byggð, búsetu og mannlíf á hverjum stað.

Hér fyrir neðan eru hlekkir á skemmtilegar fréttir frá úthlutunarhátíðum í hverju þátttökubyggðarlagi Brothættra byggða 2023. Þar má sjá hvaða verkefni hlutu brautargengi að þessu sinni.

DalaAuður

Sterkur Stöðvarfjörður

Sterkar Strandir

Áfram Árneshreppur

Betri Bakkafjörður