Fréttir

Samkvæmt lögum nr. 98/2019 um póstþjónustu, eiga allir landsmenn rétt á alþjónustu sem uppfyllir tilteknar gæðakröfur og er á viðráðanlegu verði, sbr. 1. mgr. 9. gr. laganna. Samkvæmt 12. gr. sömu laga getur póstrekandi sem er útnefndur til að veita alþjónustu sótt um til Byggðastofnunar að honum verði með fjárframlögum tryggt sanngjarnt endurgjald fyrir þá starfsemi sem um ræðir ef að hann telur að alþjónusta sem honum er skylt að veita hafi í för með sér hreinan kostnað. Með ákvörðun Póst- og fjarskiptastofnunar (PFS) nr. 13/2020 var Íslandspóstur ohf. útnefndur alþjónustuveitandi  á Íslandi. Umsókn fyrirtækisins um sanngjarnt endurgjald barst til Byggðastofnunar þann 24. janúar 2023  og hefur stofnunin nú tekið ákvörðun um endurgjald til Íslandspósts ohf. (hér eftir ÍSP) vegna alþjónustu sem fyrirtækið veitti á árinu 2022.

Í umsókn félagsins er sótt um sanngjarnt endurgjald vegna dreifingar pósts á óvirkum markaðssvæðum í dreifbýli og þéttbýli auk tiltekinna póstsendinga fyrir blinda og sjónskerta sem skulu verað gjaldfrjálsar, sbr. ákvörðun PFS nr. 13/2020.

Niðurstaða Byggðastofnunar er sú að Íslenska ríkið, sbr. 6. mgr. 12. gr. laga um póstþjónustu nr. 98/2019, skal greiða Íslandspósti ohf., kt. 701296-6139, kr. 664.994.839,- vegna hreins kostnaðar veittrar alþjónustu á árinu 2022.

Ákvörðunina má finna hér.