Fréttir

Veittir hafa verið styrkir til að fjölga óstaðbundnum störfum utan höfuðborgarsvæðisins frá 1. nóvember 2024. Auglýsing þess efnis var gefin út þann 10. október sama ár. Styrkir hafa verið veittir til að koma til móts við ferðakostnað og leigu á aðstöðu í vinnustaðaklösum vegna starfa sem ríkisstofnanir með höfuðstöðvar á höfuðborgarsvæðinu hafa annað hvort flutt eða stofnað til fyrir utan það svæði.

Verkefnið byggir á stefnumótandi byggðaáætlun sem Alþingi samþykkti fyrir tímabilið 2022-2036. Markmiðið er að fjölga atvinnutækifærum á landsbyggðinni með fjölbreyttum störfum og styrkja þannig búsetu í byggðum landsins. Fjallað er nánar um verkefnið óstaðbundin störf í aðgerðaáætlun byggðaáætlunar (aðgerð B.7).

Frá og með 1. maí geta ríkisstofnanir sem eru með starfsemi utan og innan höfuðborgarsvæðisins sótt um framlög vegna starfa sem flutt verða af höfuðborgarsvæðinu. Framlögin ná til ferðakostnaðar vegna viðveru í höfuðstöðvum viðkomandi stofnunar og vegna kostnaðar við leigu á starfsaðstöðu í vinnustaðaklösum. Að auki hækkar hámarksviðmið vegna leigu á starfsaðstöðu upp í 650.000 kr. á ári.

Frá og með 1. maí 2026 fellur auglýsingin frá 10. október 2024 úr gildi.

 Auglýsing um úthlutun styrkjanna

Sækja um styrk í umsóknargátt Byggðastofnunar

Sjá nánar um aðgerðina á byggðaáætlun

Verklagsreglur B.7. Óstaðbundin störf