Fréttir

Opnað hefur verið fyrir umsóknir í Frumkvæðissjóð byggðaþróunarverkefnisins DalaAuðs. Þar sem samningur um verkefnið mun renna út í lok árs 2026 er um að ræða síðustu úthlutun fjármuna til frumkvæðisverkefna í byggðarlaginu á framkvæmdatíma verkefnisins.

Tekið verður við umsóknum til kl. 12:00 miðvikudaginn 21. janúar nk. Allar upplýsingar um umsóknarferlið má finna á heimasíðu verkefnisins hjá Sambandi sveitarfélaga á Vesturlandi (SSV) sjá hér. 

Linda Guðmundsdóttir verkefnisstjóri veitir nánari upplýsingar, aðstoð og ráðgjöf um umsóknarferlið. Netfang Lindu er: linda@ssv.is og sími: 780 6697. Starfsstöð Lindu er í Nýsköpunarsetrinu í Búðardal.

Áhugasamir um eflingu byggðar og samfélags í Dalabyggð eru hvattir til að sækja um styrki í frumkvæðissjóðinn til hvers kyns frumkvæðisverkefna sem nýtast munu samfélaginu.

Verkefnið er ein af aðgerðum Byggðaáætlunar, C.2, og markmið þess er að spornað verði við viðvarandi fólksfækkun í smærri byggðarlögum. Verkefnið byggir á samstarfi Byggðastofnunar, viðkomandi sveitarfélags, landshlutasamtaka og síðast en ekki síst íbúa hvers þátttökubyggðarlags. Því er einkum ætlað að styðja við frumkvæði og þátttöku íbúa til hagsbóta fyrir samfélagið í víðum skilningi.