Fréttir

Tuttugu og fimm ára afmælisráðstefna Norðurslóðaáætlunarinnar sem fram fer í Bodø í Noregi verður í beinu streymi 1. og 2. október. Á ráðstefnunni sem ber heitið Punktarnir tengdir  koma saman þátttakendur í verkefnum og fulltrúar samfélaga á starfssvæði áætlunarinnar ásamt umsjónaraðilum hennar. Farið verður yfir farinn veg í samstarfinu og horft til framtíðar þess.

Fyrir þau sem ekki eiga þess kostað sækja ráðstefnuna í Bodø er boðið upp á beint streymi frá henni báða dagana þar sem boðið verður upp á áhugaverð framsöguerindi, pallborðsumræður og kynningar á verkefnum og þannig brugðið ljósi á það alþjóðlega samstarf sem áætlunin hefur stuðlað að.

Hægt er að fylgjast með streyminu, einfaldlega með því að smella á tenglana hér að neðan á skilgreindum tíma.

1. okt. kl. 07:00 – 15:00 að íslenskum tíma: Streymi  
2. okt. kl. 07:00 – 14:00 að íslenskum tíma: Streymi

Dagskrá ráðstefnunnar má nálgast hér.

Norðurslóðaáætlunin (Northern Periphery and Arctic Programme) er samstarfsvettvangur Evrópusambandsríkjanna Írlands,  Svíþjóðar og Finnlands og svo Noregs, Íslands, Grænlands og Færeyja. Markmið áætlunarinnar er að stuðla að samstarfsverkefnum milli landanna sem miða að því að finna lausnir á sameiginlegum áskorunum á sviði atvinnu- og byggðaþróunar og er núgildandi áætlunartímabil 2021-2027.