Fréttir

Með fulltrúum Suðurnesjabæjar

Byggðastofnun hefur sett sér það markmið að heimsækja sveitarstjórnir allra sveitarfélaga í landsbyggðunum. Markmiðið er að kynna starfsemi stofnunarinnar og þau verkefni sem geta nýst sveitarfélögum við fjölbreyttar aðstæður. Verkefnið hófst á síðasta ári og nú hafa 36 sveitarfélög verið heimsótt.

Síðastliðinn mánudag áttum fulltrúar Byggðastofnunar góða fundi með fulltrúum sveitarfélagsins Voga annars vegar og Suðurnesjabæjar hins vegar í ráðhúsum þeirra. 

Á þriðjudag kom stjórn stofnunarinnar saman til stjórnarfundar í Reykjanesbæ. Í tengslum við fundinn átti stjórnin jafnframt  fund með bæjarstjórn Reykjanesbæjar og framkvæmdastjóra Sambands Sveitarfélaga á Suðurnesjum (SSS). 

Að fundunum loknum var farið í rútuferð um Reykjanesbæ og Grindavík. Þar nutum þátttakendur góðrar leiðsagnar Vilhjálms Árnasonar bæjarstjóra og Margrétar Ólafar A Sanders stjórnarmanns Byggðastofnunar, sem miðluðu þekkingu sinni á svæðinu, þróun þess og þeim áskorunum og tækifærum sem þar eru fram undan.

Pétur Markan bæjarstjóri Grindavíkur sem ætlaði að hitta hópinn í Grindavík boðaði forföll þar sem sama dag kom út nýtt áhættumat fyrir Grindavík sem opnar enn frekar á möguleika til áframhaldandi búsetu í bænum.    

Fjölmörg mikilvæg byggðamál voru rædd í heimsóknunum. Meðal annars var rætt um óstaðbundin störf, vinnustaðaklasa, þjónustu- og atvinnusókn, lánveitingar, átthagafjárfesta, almenningssamgöngur, mælaborð Byggðastofnunar, samsetning íbúa og áhrif nálægðarinnar við höfuðborgarsvæðið.

Byggðastofnun heldur áfram á þessari vegferð um landið. Næsti stjórnarfundur Byggðastofnunar verður haldinn á Patreksfirði þann 20. október.

Hópurinn í Grindavík