Fréttir

Nú um áramótin lækkuðu kjör óverðtryggðra lána Byggðastofnunar í lánaflokkunum nýsköpunarlán, græn lán og lán til stuðnings atvinnureksturs kvenna. 

Lánaflokkarnir eiga það sammerkt að ýta undir nýsköpun og atvinnuuppbyggingu í landsbyggðunum og þá sérstaklega í viðkvæmari byggðarlögum. Er markmiðið því að styðja betur við þau verkefni sem þegar hafa fengið fjármögnun úr þessum lánaflokkum og hvetja til frekari uppbyggingar í byggðum landsins.

 Hlutverk Byggðastofnunar er að vinna að eflingu byggðar og atvinnulífs í landsbyggðunum. Í samræmi við hlutverk sitt vinnur stofnunin að undirbúningi, skipulagi og fjármögnun verkefna og veitingu lána með það að markmiði að treysta byggð, efla atvinnu og stuðla að nýsköpun í atvinnulífi.