Fara í efni  

Fréttir

Byggđastofnun ţátttakandi í menningarátaki á landsbyggđinni

Með undirritun samninga í dag milli Byggðastofnunar, Listahátíðar og Flugfélags Íslands er stigið stórt skref til stuðnings menningarlífi á landsbyggðinni. Samningarnir, sem eru til 3ja ára, taka að hluta gildi á komandi Listahátíð þegar írski nóbelshöfundurinn Seamus Heaney og franska skemmtisveitin Klezmer Nova fara norður og austur á land. Verðgildi þessara samninga er um 11,5 milljóna króna. Markmið þeirra er að stuðla að auknu menningarlífi á landsbyggðinni, að auka kynningarmöguleika einstakra sveitarfélaga og landshluta, að gefa íbúum landsins alls kost á afburða alþjóðlegum listviðburðum og skapa  sóknarfæri á sviði menningartengdrar ferðaþjónustu.

 

 

Með undirritun samninga í dag milli Byggðastofnunar, Listahátíðar og Flugfélags Íslands er stigið stórt skref til stuðnings menningarlífi á landsbyggðinni. Samningarnir, sem eru til 3ja ára, taka að hluta gildi á komandi Listahátíð þegar írski nóbelshöfundurinn Seamus Heaney og franska skemmtisveitin Klezmer Nova fara norður og austur á land. Verðgildi þessara samninga er um 11,5 milljóna króna. Markmið þeirra er að stuðla að auknu menningarlífi á landsbyggðinni, að auka kynningarmöguleika einstakra sveitarfélaga og landshluta, að gefa íbúum landsins alls kost á afburða alþjóðlegum listviðburðum og skapa  sóknarfæri á sviði menningartengdrar ferðaþjónustu.

 

Verkefnin verða í tveimur flokkum.

 

  1. Eyrarrósin.  Valið verður á hverju ári eitt afburða verkefni á starfssvæði Byggðastofnunar sem hlýtur fjárstyrk og viðurkenningu sem ber nafnið “Eyrarrósin” Verkefnið verður kynnt sem sérstakt menningarverkefni Listahátíðar, Byggðastofnunar og Flugfélags Íslands. Dorrit Mousaieff forsetafrú verður verndari þessarar viðurkenningar sem verður afhent í fyrsta sinn nú í árslok á Bessastöðum. Auglýst verður  eftir umsækjendum.

 

  1. Alþjóðlegir og innlendir listviðburðir.  Styrkir verða veittir til að auðvelda aðgengi alþjóðlegra listamanna á fámenn svæði eða til landshluta sem almennt eiga ekki kost á slíku sakir kostnaðar við að flytja slík verk frá höfuðborgarsvæðinu. Einnig til verkefna og ferða menningarstofnana um landið í samráði við fagaðila og sveitarfélög á hverjum stað.

 

Undir samningana rituðu Jón Karl Ólafsson forstjóri Flugfélags Íslands, Þórunn Sigurðardóttir, stjórnandi Listahátíðar í Reykjavík og Aðalsteinn  Þorsteinsson forstjóri Byggðastofnunar. Ásamt þeim á meðfylgjandi mynd eru Valgerður Sverrisdóttir, iðnaðar- og viðskiptaráðherra og Herdís Á. Sæmundardóttir, formaður stjórnar Byggðastofnunar.

 


Til baka

Fréttasafn

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389