Fréttir

Þörungaverksmiðjan hf. á Reykhólum hefur hlotið viðurkenninguna Framúrskarandi fyrirtæki 2026 hjá Creditinfo. Félagið hefur hlotið viðurkenninguna árlega frá árinu 2021, sem endurspeglar stöðugleika og traustan rekstur þess.

Byggðastofnun á 27,67% hlut í Þörungaverksmiðjunni og situr Pétur Friðjónsson, sérfræðingur á fyrirtækjasviði Byggðastofnunar, í stjórn félagsins fyrir hönd stofnunarinnar.

Þörungaverksmiðjan er mikilvægur atvinnurekandi á Reykhólum, með um 20 starfsmenn, og gegnir þýðingarmiklu hlutverki í atvinnulífi svæðisins.

Byggðastofnun óskar félaginu og starfsfólki þess til hamingju með viðurkenninguna og þann góða árangur sem að baki henni liggur.