Fara efni  

Frttir

ESPON: Byggastofnun semur vi HA um hlutverk tengilis

Nú í mars undirrituðu Aðalsteinn Þorsteinsson, forstjóri Byggðastofnunar, og Þorsteinn Gunnarsson, rektor Háskólans á Akureyri, samning um að HA gegni hlutverki tengiliðs ESPON á Íslandi.


Byggðarannsóknir á fyrsta starfstímabili ESPON-áætlunarinnar, 2002-2006, voru miklar að umfangi, fólu í sér samstarf á nnað hundrað evrópskra háskóla og rannsóknastofnana, mikla þekkingaröflun og útgáfu en mestum upplýsingum er þó komið á framfæri á heimasíðu ESPON, http://www.espon.eu/.

ESPON-rannsóknir hafa þegar haft áhrif á stefnumótun ESB í byggðamálum og mikilvægt fyrir Ísland að fylgjast með þeirri vinnu og mikilvægt fyrir íslenska háskóla að fá tækifæri til samstarfs við evrópska háskóla á þessu sviði. Ísland tekur þátt í ESPON á nýja starfstímabilinu frá 2007 til 2013 og hefur Byggðastofnun, í umboði iðnaðarráðuneytisins, umsjón með því starfi og hafa starfsmenn Byggðastofnunar setið fundi stjórnarnefndar ESPON.

Byggðastofnun hefur með samninginum falið Háskólanum á Akureyri hlutverk tengiliðs ESPON á Íslandi, að tengja íslenska og evrópska háskóla og rannsóknastofnanir á sviði byggðarannsókna. Fyrir Háskólann á Akureyri verður dr. Grétar Þór Eyþórsson ábyrgðarmaður tengistarfsins sem á enskri tungu, tungumáli ESPON, er nefnt ESPON Contact Point eða ECP.

Byggðastofnun hefur miklar væntingar til ESPON-starfsins, til öflugrar þátttöku íslenskra háskóla í fjölþjóðlegum byggðarannsóknum og áhrif hennar á umræðu og stefnumótun í byggðamálum á Íslandi. Hlutverk tengiliðs ESPON er mikilvægt í þessu ljósi og Byggðastofnun telur það í góðum höndum í Háskólanum á Akureyri.


Til baka

Skrning pstlista

  • Byggastofnun | Saurmri 2 | 550 Saurkrkur
  • Smi 455-5400
  • postur@byggdastofnun.is
  • Opi fr kl. 8:30-16:00 | kt. 450679-0389