Fréttir

Fulltrúar evrópskra samstarfsáætlana standa í marsmánuði fyrir sameiginlegri kynningu á styrkja og samstarfsmöguleikum á vegum evrópskra áætlana víða um land.

Hér er um kjörið tækifæri að ræða fyrir einstaklinga, skóla, fyrirtæki, stofnanir og samtök til að kynna sér möguleika til samstarfs á flestum sviðum menntunar, menningar og atvinnulífs.

Nú er lokið kynningum á Egilsstöðum, Höfn, Vík og Selfossi og þóttu þær takast vel og mæting langt fram úr væntingum. Dagana 18. og 19. mars eru fyrirhugaðar kynningar á Sauðárkrók, Akureyri og Húsavík.

Auk kynninga á Evrópuáætlunum eru kynnt 1 – 4 valin verkefni frá hverjum stað.

Sjá auglýsingu um skipulag hér en auk þess er frekari upplýsingar að finna á vef samstarfsins undir slóðinni http://www.evropusamvinna.is/