Fara í efni  

Fréttir

Eyrarrósin afhent á Bessastöđum

Eyrarrósin er sérstök viðurkenning fyrir framúrskarandi menningarverkefni á landsbyggðinni sem veitt verður á Bessastöðum fimmtudaginn 20. janúar.

  Eyrrarósin er sérstök viðurkenning fyrir framúrskarandi menningarverkefni á landsbyggðinni sem veitt verður á Bessastöðum fimmtudaginn 20. janúar.

Þrjú verkefni hafa verið valin úr hópi fjölmargra umsækjenda og verða þau kynnt sérstaklega á Bessastöðum, en eitt þeirra hlýtur Eyrarrósina; fjárstyrk að upphæð kr. 1.5 milljón og verðlaunagrip eftir Steinunni Þórarinsdóttur til eignar.

Viðkenninguna og verðlaunagripinn afhendir Dorrit Moussaieff forsetafrú, en hún er jafnframt verndari  Eyrarrósarinnar.

Þorgerður Katrín Gunnarsdóttir menntamálaráðherra flytur ávarp við athöfnina.

Verkefnin sem hlutu tilnefningu eru:
      Aldrei fór ég suður, rokkhátíð alþýðunnar á Ísafirði 
      Listahátíðin Á seyði á Seyðisfirði
      Þjóðlagahátíðin á Siglufirði

Viðurkenningin á rætur sínar í því að fyrir tæpu ári gerðu Listahátíð í Reykjavík, Byggðastofnun og Flugfélag Íslands með sér samkomulag um eflingu menningarlífs á landsbyggðinni og undirrituðu Þórunn Sigurðardóttir, stjórnandi Listahátíðar í Reykjavík, Aðalsteinn  Þorsteinsson forstjóri Byggðastofnunar og Jón Karl Ólafsson forstjóri Flugfélags Íslands samning þess efnis 30. apríl 2004.

Markmiðið með samkomulaginu er að stuðla að auknu menningarlífi á landsbyggðinni, auka kynningarmöguleika einstakra sveitarfélaga og landshluta, gefa íbúum landsins kost á afburða alþjóðlegum listviðburðum og skapa sóknarfæri á sviði menningartengdrar ferðaþjónustu: Liður í samkomulaginu er stofnun Eyrarrósarinnar sem veitt er afburða menningarverkefni á landsbyggðinni, starfssvæði Byggðastofnunar.

Auglýst var eftir umsóknum í dagblöðum og landsmálablöðum og voru umsækjendur  m.a. stofnanir, söfn, tímabundin verkefni og menningarhátíðir.
Verkefnisstjórn, skipuð forstjóra og stjórnarformanni Byggðastofnunar og stjórnanda og framkvæmdastjóra Listahátíðar í Reykjavík, tilnefndu og völdu verðlaunahafa.

Heimild Listahátíð í Reykjavík artfest.is


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389