Fara í efni  

Fréttir

Frá málţingi um byggđaáćtlun 2010-2013

Iðnaðarráðherra hefur falið Byggðastofnun að vinna byggðaáætlun fyrir árin 2010 til 2013. Í upphafi þessa verks gekkst Byggðastofnun fyrir málþingi um það undir heitinu Byggðaþróun við breyttar aðstæður.


Málþingið fór fram föstudaginn 28. nóvember í Reykjavík og bauð Byggðastofnun til þess fulltrúum allra ráðuneyta, atvinnuþróunarfélaga, samtaka sveitarfélaga og fjölda stofnana sem Byggðastofnun telur áríðandi að hafa samráð við um áætlunina.

Á dagskrá málþingsins voru erindi um ástand og horfur og um áherslusvið byggðaáætlunar. Síðan settust fulltrúar á málþinginu í málstofur og ræddu markmið, áherslur og áherslusvið byggðaáætlunar 2010-2013. Úr umræðunum mun starfsfólk Byggðastofnunar vinna efni fyrir áætlunina og birta hér á heimasíðunni eftir því sem það verður til, undir skiltinu til hægri, Byggðaáætlun 2010-2013. Þar er einnig að finna dagskrá málþingsins, myndir frá þinginu og glærur frummælenda og þar verða birtar aðsendar greinar og annað efni sem tengist gerð byggðaáætlunar 2010-2013.

Þeir sem vilja koma ábendingum eða tillögum fyrir áætlunina á framfæri við Byggðastofnun geta sent tölvupóst á byggdastofnun@byggdastofnun.is


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389