Fréttir

Frá Breiðdalsvík / Kristján Þ. Halldórsson

Frystihúsið á Breiðdalsvík hefur fengið nýtt hlutverk sem tónleika-og samkomusalur en þar var lengi rekin fiskverkun, seinni ár þó aðeins í hluta hússins og menningartengd ferðaþjónusta í öðrum hluta. Byggðastofnun átti Frystihúsið og ákvað í samvinnu við heimamenn að ráðast í gagngerar breytingar og endurbætur á húsinu fyrir tæpum tíu árum. Nú þegar húsið er komið aftur að fullu í eigu og rekstur heimamanna, líkt og stefnt var að með uppbyggingunni, hefur verið sett upp aðstaða til tónleikahalds í veislusalnum og verða fyrstu tónleikar vetrarins haldnir annað kvöld, þegar Bjartmar og bergrisarnir troða þar upp.

Rúnar Snær Reynisson fréttamaður RÚV á Austurlandi kynnti sér málin og má hér sjá afrakstur þeirra ferðar  https://www.ruv.is/frettir/innlent/2023-09-28-frystihusid-a-breiddalsvik-nyjasta-tonleikahus-landsins-392672