Fréttir

Frá heimsókninni

Fulltrúar Byggðastofnunar heimsóttu Highlands and Islands Enterprise (HIE) á dögunum en starfsmenn HIE hafa aðstoðað stofnunina við undirbúning á tilraunaverkefni sem snýr að uppbyggingu atvinnuhúsnæðis á viðkvæmum svæðum.

HIE er opinber stofnun í eigu skoska ríkisins með starfssvæði um hálönd og eyjar Skotlands. Hlutverk HIE er sambærilegt hlutverki Byggðastofnunar en það er að hjálpa samfélögum og fyrirtækjum á starfssvæði stofnunarinnar að þróast og vaxa.

Tilgangur heimsóknarinnar var að skoða verkefni HIE á sviði uppbyggingar atvinnuhúsnæðis í viðkvæmum byggðarlögum, kynnast betur starfsemi þeirra og tengja stofnanirnar með von um aukið samstarf í framtíðinni. Þá fengu starfsmenn HIE einnig kynningu á starfsemi Byggðastofnunar og ljóst að áskoranirnar eru um margt líkar.

Á mynd frá vinstri: Stuart Black forstjóri HIE, Pétur Friðjónsson sérfræðingur hjá Byggðastofnun, Martin Johnson director of Strategy and Regional Economy, Arnar Már Elíasson forstjóri Byggðastofnunar, David Oxley director of Strategic Projects, Joanna Peteranna director of Area Operations og Hrund Pétursdóttir forstöðumaður fyrirtækjasviðs.