Fara í efni  

Fréttir

Herdís skipuđ formađur stjórnar

Iðnaðar- og viðskiptaráðherra hefur skipað Herdísi Á. Sæmundardóttur formann stjórnar Byggðastofnunar og tekur hún við stöðunni af Jóni Sigurðssyni sem skipaður hefur verið bankastjóri Seðlabanka Íslands. Herdís tók sæti í stjórn Byggðastofnunar á ársfundi í júní en í stað Jóns í stjórn stofnunarinnar hefur ráðherra skipað Elísabetu Benediktsdóttur, starfsmanns hjá Þróunarstofu Austurlands.


Herdís Á. Sæmundardóttir er framhaldsskólakennari á Sauðárkróki. Hún er  fædd í Reykjavík 1954 en alin upp á Sauðárkróki. Herdís útskrifaðist úr Lyfjatæknaskóla Íslands og vann við lyfjatæknistörf í mörg ár, bæði hér heima og einnig í Osló. Hún útskrifaðist úr Háskóla Íslands, með BA-próf í norsku og dönsku, sem og uppeldis- og menntunarfræði.

Herdís stundaði ýmis störf samhliða námi, t.d. í fiskvinnslu, umönnunarstörf og verslunarstörf. Herdís hefur starfað mikið að félagsmálum og var  m.a. bæjarfulltrúi á Sauðárkróki á árunum 1990-1994 og 1997-2002. Eiginmaður hennar er Guðmundur Ragnarsson og eiga þau 3 börn.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389