Fara efni  

Frttir

NORA: Umsknarfrestur 7. oktber

NORA: Umsknarfrestur 7. oktber
NORA

NORA óskar eftir styrkumsóknum með umsóknarfrest þann 7. október 2013.

Áherslur NORA varðandi verkefnastuðning á tímabilinu 2012-2016:

  • Að styrkja sjálfbæra þróun efnahagslega mikilvægustu atvinnugreina svæðisins með því að styrkja nýsköpunarverkefni á sviði sjávarútvegs og auðlinda hafsins. Það geta til að mynda verið verkefni sem snerta aukaafurðir og vannýttar auðlindir.
  • Að skapa ný tækifæri og efla fjölbreytni svæðisbundinna hagkerfa með því að styðja þróun nýrra atvinnutækifæra, framleiðslu, framleiðsluaðferða og markaðssetningar, t.d. verkefni í ferðaþjónustu, landbúnaði eða verkefni sem varða endurnýjanlegra orkugjafa.
  • Að sigrast á fjarlægðum, með því að styrkja verkefni á sviði fjarskipta, samgangna og flutninga. Verkefnin geta t.d. varðað þróun upplýsingatækni sem henta sérstökum aðstæðum á Norður-Atlantssvæðinu eða eru til þess fallin að fjölga störfum í fámennum byggðarlögum eða á jaðarsvæðum.

Auk þessa hefur NORA áhuga á að efla samstarf við nágranna norðurslóða til vesturs. Þess vegna vill NORA gjarnan styrkja verkefni þar sem um samstarf NORA-landanna við Kanada og skosku eyjarnar er að ræða.

NORA veitir styrki að hámarki 500.000 danskar krónur á ári og mest til þriggja ára. Skilyrði er að þátttaka sé frá a.m.k. tveimur NORA-löndum.

Á heimasíðu NORA, er að finna leiðbeiningar um umsóknarferilinn undir valtakkanum „Guide til projektstøtte“.  Umsóknareyðublaðið er einnig að finna á heimasíðu NORA og senda á umsóknina rafrænt (á word-formi) til NORA og sömuleiðis útprentaða og undirritaða umsókn með pósti. Fylgigögn, eins og verklýsing og annað ítarefni, sendist rafrænt (á word, excel eða pdf-formi).

Nánari upplýsingar og ráðgjöf má fá hjá tengilið NORA á Íslandi sem er:  Sigríður K. Þorgrímsdóttir, Byggðastofnun, s. 455 5400 og netfang sigga@byggdastofnun.is

Auglýsing


Til baka

Skrning pstlista

  • Byggastofnun | Saurmri 2 | 550 Saurkrkur
  • Smi 455-5400
  • postur@byggdastofnun.is
  • Opi fr kl. 8:30-16:00 | kt. 450679-0389