Fara efni  

Frttir

N norrn samstarfstlun byggamlum 2005 2008

Norrænu byggðamálaráðherrarnir hafa samþykkt nýja samstarfsáætlun fyrir 2005-2008. Markmiðið með norrænu samstarfi er að efla norrænu löndin. Áætlunin tekur mið af að Norðurlönd standa frammi fyrir nýrri stöðu í heimsmálunum með aukinni pólítískri og efnahagslegri samþættingu í Evrópu og að samstarf í byggðamálum verður sífellt alþjóðlegra.

Norrænu byggðamálaráðherrarnir hafa samþykkt nýja samstarfsáætlun fyrir 2005-2008. Markmiðið með norrænu samstarfi er að efla norrænu löndin. Áætlunin tekur mið af að Norðurlönd standa frammi fyrir nýrri stöðu í heimsmálunum með aukinni pólítískri og efnahagslegri samþættingu í Evrópu og að samstarf í byggðamálum verður sífellt alþjóðlegra. Meginefni samstarfsáætlunarinnar er tvíþætt:

1) Samstarfsverkefni yfir landamæri

Í samstarfi yfir landamæri verður lögð áhersla á:

  • að mynda breiðari samstöðu milli landanna frá Eystrasalti um Norðurlönd til Skotlands og Írlands með því markmiði að vekja athygli á norrænum hagsmunum í stækkuðu Evrópusambandi,
  • að þróa það norræna landamærasamstarf sem þegar er fyrir hendi,
  • að eiga samstarf um Interreg-áætlanir í framtíðinni og
  • að örva samstarf milli landamærasvæða á grannsvæðum Norðurlanda.

2) Miðlun reynslu og þekkingarþróun

Hvað varðar miðlun reynslu og þekkingarþróun verður lögð áhersla á:

  • samstarf um að fylgjast með þeim málum sem eru efst á baugi innan ESB/EES,
  • að miðla reynslu milli norrænu landanna með hliðsjón af þróuninni í Evrópu,
  • að fylgjast með breytingum á samfélagsskipaninni innan svæða á Norðurlöndum og
  • að stuðla að framgangi norrænu rannsóknarstofnunarinnar Nordregio í Stokkhólmi.

Ýtt verður úr vör nýrri norrænni rannsóknaráætlun innan Nordregio fyrir árin 2005-2008 með áherslu á svæðisbundna nýsköpunar- og vaxtarstefnu, stöðu Norðurlanda frá evrópskum sjónarhóli, svæðisbundnum stjórnkerfum og lýðfræðilegri þróun.


Til baka

Skrning pstlista

  • Byggastofnun | Saurmri 2 | 550 Saurkrkur
  • Smi 455-5400
  • postur@byggdastofnun.is
  • Opi fr kl. 8:30-16:00 | kt. 450679-0389