Fréttir

Sigríður Elín Þórðardóttir hefur verið ráðin forstöðumaður þróunarsviðs Byggðastofnunar.  Umsóknarfrestur um starfið rann út þann 30. september sl.  Alls bárust 24 umsóknir um starfið.  Sigríður Elín lauk mastersnámi í félagsfræði frá Háskóla Íslands árið 2004.  Hún hefur yfir að ráða yfirgripsmikilli þekkingu og reynslu að starfi að byggðamálum og hefur starfað sem sérfræðingur á þróunarsviði Byggðastofnunar allt frá árinu 2000.  Í starfi sínu á Byggðastofnun hefur hún unnið að fjölbreyttum verkefnum og stýrt stórum samstarfsverkefnum á verkefnasviði stofnunarinnar, jafnt innlendum sem erlendum.  Hún tekur til starfa þann 1. janúar nk.