Fréttir

Byggðastofnun auglýsir eftir umsóknum um styrki úr Sóknarsjóð fyrir smærri fyrirtæki í Grindavík. Tilgangur Sóknarsjóðs er að styðja við smærri atvinnurekendur í Grindavík með það að markmiði að horfa megi til framtíðar í rekstri.

Umsóknarfrestur er til kl. 16:00, 1. október 2025. Sóknarsjóður hefur allt að 180 m.kr. til ráðstöfunar.

Í umsóknum skal m.a. koma fram til hvers styrkurinn er ætlaður og hvernig hann muni koma til með að nýtast til áframhaldandi reksturs.  

Styrkhæf eru fyrirtæki sem voru með starfsemi í Grindavík 10. nóvember 2023 og fullnægja að öðru leyti skilyrðum reglna um Sóknarsjóð.

Styrkur er veittur í eftirfarandi tilgangi:

1. Rekstrarstyrkur til allt að sex mánaða.
2. Styrkur til kaupa á búnaði eða tækjum til að efla starfsemi í Grindavík.
3. Styrkur til að gera breytingar á rekstri í því skyni að styrkja stoðir núverandi starfsemi.
4. Styrkur til að flytja starfsemi að hluta eða öllu leyti frá Grindavík.

Til þess að geta átt rétt á styrk úr sjóðnum skal umsækjandi uppfylla öll eftirfarandi skilyrði:

1. Hafa verið með starfsemi í Grindavík 10. nóvember 2023.
2. Það hafi a.m.k. verið einn starfsmaður á launaskrá á árinu 2024.
3. Velta vegna ársins 2023 hafi verið undir 250 milljónum kr.
4. Umsækjandi sé ekki í vanskilum með opinber gjöld.
5. Bú umsækjanda hafi ekki verið tekið til gjaldþrotaskipta.

Umsækjendur geta verið einstaklingar eða fyrirtæki. Hér má finna Reglur um úthlutun Byggðastofnunar á framlögum úr Sóknarsjóði.

Umsóknum skal skilað í rafrænum umsóknarformi í Umsóknargátt Byggðastofnunar.

Fyrirtæki sem hyggjast sækja fjárstuðning ríkisins leiti sér ráðgjafar hjá Sambandi sveitarfélaga á Suðurnesjum við að móta þau verkefni sem sótt er um stuðning fyrir. Upplýsingar um ráðgjafa má finna hér. Þá hafa fyrirtæki heimild til að leita utanaðkomandi ráðgjafar og hefur Samband sveitarfélaga á Suðurnesjum heimild til að greiða kostnað ráðgjafa fyrir hvert fyrirtæki fyrir allt að 250.000 auk vsk.

 Nánari upplýsingar um styrki úr sóknarsjóð veitir Pétur Friðjónsson, verkefnastjóri Sóknarsjóðs (peturf@byggdastofnun.is /sími 455 5400)