Fréttir

Tækniþróunarsjóður er nú með opið fyrir umsóknir í styrktarflokkunum Sproti, Vöxtur og Markaður. Umsóknarfrestur er 15. september 2026 kl. 15:00.

Við hvetjum áhugasama til að kynna sér sjóðinn og nýta sér ráðgjafaþjónustu landshlutasamtakanna í sínum landshluta, en ráðgjafar landshlutasamtakanna eru öllum hnútum kunnugir þegar kemur að umsóknum í Tækniþróunarsjóð. Upplýsingar um ráðgjöf landshlutasamtakanna má finna á heimasíðum þeirra.

Eins mun Tækniþróunarsjóður nú bjóða upp á sérstaka ráðgjafatíma á teams fyrir þá umsækjendur sem ekki geta nýtt sér opna viðtalstíma sjóðsins í Grósku. Upplýsingar um þá má finna í meðfylgjandi auglýsingu.

Við hvetjum öll til þess að nýta sér umrædda ráðgjöf Tækniþróunarsjóðs og landshlutasamtakanna og henda inn glóðvolgri umsókn fyrir 15. september.