Fréttir

Pétur og Pétur hafa marga hildi háð í kaffitímum

Þá er runninn upp síðasti vinnudagur Péturs Bjarnasonar hjá Byggðastofnun. Pétur hefur starfað hjá stofnuninni frá áramótunum 2013/2014 og sinnt málefnum AVS sjóðsins sem nú færist undir Atvinnuvega- og nýsköpunarráðuneytið og sameinast þar Framleiðnisjóði landbúnaðarins í hinum nýja Matvælasjóði.

Það er mikil eftirsjá í Pétri sem yfirleitt er hrókur alls fagnaðar.  Við þökkum honum kærlega fyrir samstarfið í gegnum árin og óskum honum velfarnaðar í því sem hann tekur sér fyrir hendur á eftirlaunaárunum.