Fara í efni  

Fréttir

Ráđstefna um ţátttöku í evrópsku samstarfi um rannsóknir og stefnu í byggđaţróun

Byggðastofnun gengst fyrir ráðstefnu um þátttöku Íslendinga í samstarfi um rannsóknir og stefnumótun í byggðaþróun í Háskólanum í Reykjavík 12. mars nk. Ráðstefnan er kynning á ESPON áætlun ESB um byggðarannsóknir þar sem Ísland tekur þátt ásamt Noregi, Sviss og Liechtenstein auk allra aðildarlanda ESB. Forstöðumaður ESPON, Peter Mehlbye, flytur meginerindi ráðstefnunnar um ESPON, gerð, starfsemi og starfshætti og svarar fyrirspurnum. 


Að auki flytja erindi starfsmenn ráðuneyta og stjórnsýslu- og rannsóknastofnana sem sinna stefnumótun og áætlunum sem varða samfélag, land og landshluta ásamt fulltrúa sambands sveitarfélaga. Í erindum verður leitast við að lýsa þýðingu fjölþjóðlegs samstarfs á þessu sviði og þýðingu þess fyrir mótun stefnumiða og áætlana fyrir landshluta.

Áhersla á stefnumótun fyrir byggðaþróun sem byggist á raunsönnum upplýsingum og mati og samanburði milli svæða hefur vaxið víðast hvar síðustu ár samfara áherslunni á sjálfbæra þróun, nýsköpun og áætlanir fyrir stór byggðasvæði. Síðasta áratug hefur ESPON staðið fyrir fjölda rannsókna af þessu tagi sem unnar hafa verið í samstarfi háskóla og rannsóknastofnana víða um Evrópu. ESPON hefur mótað rannsóknasvið, auglýst eftir tilboðum í rannsóknavinnuna og styrkt verkefni á grunvelli slíkra útboða.

Hægt er að fræðast um ESPON á heimasíðu Byggðastofnunar, og nánar á heimasíðu ESPON

Ráðstefnustjóri verður Sveinn Þorgrímsson, skrifstofustjóri byggðamála í iðnaðarráðuneytinu. Dagskrá ráðstefnunnar má sjáhér . Unnt er að skrá þátttöku á ráðstefnuna til kvölds miðvikudagsins 8. mars nk. með orðsendingu á byggdastofnun@byggdastofnun.is  þar sem fram komi nafn og netfang þátttakanda og heiti fyrirtækis eða stofnunar.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389