Fara í efni  

Fréttir

Samţćtting kynjasjónarmiđa hjá Byggđastofnun

Opinberum stofnunum ber að gæta kynjasamþættingar við stefnumótun og áætlanagerð samkvæmt jafnréttislögum en misjafnt er hversu langt stofnanir á Íslandi eru komnar í þeirri vinnu. Byggðastofnun hefur einsett sér að vera meðal fyrstu stofnana á Íslandi til að samþætta kynjasjónarmið inn í alla stefnumótun og ákvarðanatöku stofnunarinnar.


Eitt af markmiðum í stefnu stofnunarinnar sem samþykkt var í stjórn Byggðastofnunar 11. júní 2010 er að „öll áætlanagerð, rannsóknir og verkefni séu unnin eftir hugmyndafræði um samþættingu kynjasjónarmiða“.

Kynjasamþætting er aðferð til að meta hvort ákvarðanir innan stofnana hafi jöfn áhrif á konur og karla. Með því að samþætta kynja– og jafnréttissjónarmið í ferli stefnumótunar og ákvarðanatöku gefst leið til að meta hvort þjónusta skili sér jafnt til beggja kynja og hvort aðgengi þeirra að þjónustu sé sambærilegt. Markmiðið með samþættingu kynja – og jafnréttissjónarmiða hjá Byggðastofnun er m.a. að fjölga fyrirtækjum í eigu kvenna sem viðskiptavinum hjá stofnuninni.  Í því skyni hefur verið ákveðið að hefja starfið á því að líta sérstaklega til útlánastarfsemi stofnunarinnar.  Fyrir liggja upplýsingar um að hlutur fyrirtækja í eigu kvenna í útlánsafni Byggðastofnunar er lítill og er eftirsóknarvert að jafna þessi hlutföll eins og hægt er.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389