Fréttir

Frumkvæðissjóður Sterkra Stranda hefur úthlutað styrkjum til 15 verkefna.

Auglýst var eftir umsóknum 10. febrúar 2021. Umsóknarfrestur rann út 10. mars 2021. Alls voru að þessu sinni til úthlutunar kr. 7.270.000 kr.

Alls bárust 31 umsókn um styrki. Heildarfjárhæð styrkumsókna nam kr. 32.299.328 kr. en til ráðstöfunar voru, sem fyrr segir, 7.270.000 kr. Fjöldi góðra umsókna barst en ekki var hægt að úthluta styrkfé til allra verkefna að þessu sinni þar sem heildarupphæð umsókna var mun hærri en það fé sem til úthlutunar var.

Verkefnisstjórn Sterkra Stranda samþykkti þessa styrkveitingu á fundi sínum þann 8. apríl sl. Vanhæfnisreglna var gætt í hvívetna í ferlinu öllu.

Vonast er til að hægt verði að birta fréttir frá formlegri afhendingu styrkja þegar að sóttvarnir leyfa.