Fara efni  

Frttir

Stjrn Byggastofnunar 2012-2013.

Á ársfundi sem haldinn var á Sauðárkróki þann 1. júní 2012 var skipuð stjórn Byggðastofnunar fyrir starfsárið 2012-2013, en hana skipa:

  • Ásta Dís Óladóttir, framkvæmdastjóri Fríhafnarinnar
  • Guðmundur Gíslason, framkvæmdastjóri Gámaþjónustu Austurlands
  • Gunnar Svavarsson, sjálfstætt starfandi ráðgjafi
  • Sigurborg Kr. Hannesdóttir, stofnandi og annar eigandi ráðgjafafyrirtækisins Ildi
  • Valdimar Hafsteinsson, framkvæmdastjóri Kjöríss
  • Ólöf Hallgrímsdóttir, ferðaþjónustubóndi á Vogum í Mývatnssveit
  • Þóroddur Bjarnason prófessor á hug- og félagsvísindasviði Háskólans á Akureyri – og er hann jafnframt formaður stjórnarinnar.

Stjórnin er því óbreytt frá fyrra starfsári, en þá var gerð sú breyting að þingflokkar stjórnmálaflokkanna tilnefna ekki lengur í stjórnina. Þess í stað skipar ráðherra fagfólk úr ýmsum áttum í stjórnina til eins árs í senn.  Nýju fólki fylgja nýir starfshættir og nýjar áherslur, og má sjá þess nokkur merki í starfsáætlun stjórnarinnar fyrir yfirstandandi starfsár. Hún skiptist nú í 6 megin kafla;

  1. Hlutverk Byggðastofnunar í mótun Byggðastefnu.
  2. Samþætting byggðamála og stjórnkerfis ríkisins.
  3. Samstarf við sveitarfélög og landshlutasamtök.
  4. Lánastarfsemi á vaxtarsvæðum og varnarsvæðum.
  5. Stuðningur við atvinnuþróun og nýsköpun, og
  6. Rannsóknir og samstarf við háskóla.

Þá var eitt af fyrstu verkum nýrrar stjórnar að gera þá breytingu á starfsreglum stjórnarinnar að aðal- og varamönnum í stjórn Byggðastofnunar, eða fyrirtæki sem þeir eiga eða eru í forsvari fyrir, skulu ekki sækja um lán og/eða styrki hjá stofnuninni, þrátt fyrir að slíkt sé heimilt samkvæmt lögum um fjármálafyrirtæki.  Stjórnin hélt 10 fundi á síðasta starfsári, og voru þeir haldnir á Sauðárkróki, Egilsstöðum, Akureyri, Reykjanesbæ og í Grundarfirði.  Á fundunum hafa stjórnarmenn auk hefðbundinna stjórnarstarfa átt viðræður við forsvarsmenn sveitarfélaga og starfsmenn atvinnuþróunarfélaga og fengið upplýsingar um stöðu atvinnulífs á einstökum svæðum.  Framhald verður á því á komandi starfsári.


Til baka

Skrning pstlista

  • Byggastofnun | Saurmri 2 | 550 Saurkrkur
  • Smi 455-5400
  • postur@byggdastofnun.is
  • Opi fr kl. 8:30-16:00 | kt. 450679-0389