Fara í efni  

Fréttir

Stjórn Byggđastofnunar heldur fund í Grundarfirđi

Stjórn Byggđastofnunar heldur fund í Grundarfirđi
Kirkjufell

Samkvæmt lögum um Byggðastofnun er hlutverk hennar að fylgjast með þróun byggðar í landinu og vinna að eflingu byggðar og atvinnulífs á landsbyggðinni. Stofnunin skipuleggur og vinnur að ráðgjöf við atvinnulífið á landsbyggðinni í samstarfi við atvinnuþróunarfélög, sveitarfélög og aðra. Föstudaginn 4. maí síðast liðinn var haldinn stjórnarfundur í Byggðastofnun í Grundarfirði.  Auk venjubundins stjórnarfundar heimsóttu stjórn og starfsmenn fyrirtæki og stofnanir í Stykkishólmi og Grundarfirði. Farið var í Sæferðir ehf. í Stykkishólmi, Hótel Framnes Grundarfirði, Reykofninn Grundarfirði, Fjölbrautarskóla Snæfellinga og í Eyrbyggju, sögumiðstöð í Grundarfirði.

Einnig funduðu stjórn og starfsmenn með fulltrúum Sambands sveitarfélaga á Vesturlandi, SSV, en Byggðastofnun og SSV hafa með sér samning um starf á sviði atvinnu- og byggðaþróunar á starfssvæði SSV. Á fundinum fengu stjórnarmenn í Byggðastofnun upplýsingar um stöðu atvinnulífs á svæðinu, styrkleika þess, veikleika og tækifæri, auk þess sem rætt var almennt um stoðkerfi atvinnulífsins og hlutverk stofnunarinnar og sveitarfélaga í því. Segja má að á Vesturlandi séu þrjú vinnusóknarsvæði, auk þess sem flæðir á milli Búðardals og Reykhóla. Svæðin þrjú eru í kringum Borgarnes og til höfuðborgarinnar, svæðið frá Bifröst að Búðardal og þriðja svæðið er Snæfellsnes með alla þéttbýlisstaðina þar, fimm talsins.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389