Fara í efni  

Fréttir

Styrkir til atvinnuskapandi stuđningsverkefna

Árið 2003 samþykkti ríkisstjórnin sérstaka fjárveitingu til atvinnuþróunarverkefna og úthlutaði Byggðastofnun 150 milljónum króna af þeirri fjárveitingu í verkefnastyrki. Alls voru veittir styrkir til 43ja verkefna og um síðustu áramót var lokið samningstíma flestra þeirra. Nú hefur verið tekin saman greinargerð um sjóðinn og þau verkefni sem styrkt voru.


Umsóknir sem sjóðnum bárust voru 90 talsins og voru 48 þeirra samþykktar. Af þessum 48 verkefnahugmyndum sem sótt var um styrk til urðu 43 að veruleika. Stór hluti styrkjanna rann til rannsókna, menntunar og til verkefna sem snerust um samstarf og klasa. Skipting milli landshluta var nokkuð jöfn, að öðru leyti en því að fæst verkefnanna voru staðsett á Suðurlandi.

Gerð var viðhorfskönnun meðal verkefnisstjóra þeirra verkefna er styrkt voru og sýna niðurstöður að styrkurinn var mjög mikilvægur fyrir framgang verkefnanna og að opinber stuðningur í formi styrkja og ráðgjafar er nauðsynlegur fyrir nýsköpun og frumkvöðlastarf.

Hér má nálgast greinargerð um verkefnasjóðinn, viðhorfskönnunina og yfirlit yfir þau verkefni sem urðu að veruleika.  Sigríður K. Þorgrímsdóttir sérfræðingur á þróunarsviði Byggðastofnunar vann greinargerðina.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389