Fréttir

Nordregio hefur gefið út skýrsluna Service provision and access to services in Nordic rural areas. Í skýrslunni er fjallað um aðgengi og framboð á þjónustu í átta fámennum svæðum á Norðurlöndum. 

Aðgengi og framboð á þjónustu er einn af þeim lykilþáttum sem fólk horfir til þegar það tekur ákvörðun um búsetu í dreifbýli. Búferlaflutningar, stafvæðing og áhrif loftlagsbreytinga hafa áhrif á aðgengi að þjónustu en hefur einnig áhrif á hvaða þjónustuþætti fólk telur mikilvæga fyrir daglegt líf sitt. Þess vegna er mikilvægt að skoða þjónustuframboð og aðgengi að þjónustu frá mismunandi sjónarhornum. Í skýrslu Nordregio Service provision and access to services in Nordic rural areas eru kynntar niðurstöður sem byggja á átta tilviksrannsóknum á fámennum svæðum á Norðurlöndunum fimm, auk Færeyja, Grænlands og Álandseyja. Svæðin sem valin voru áttu það sameiginlegt að vera með frekar hátt þjónustustig og/eða gott aðgengi að þjónustu. Múlaþing var íslenska dæmið í rannsókninni.

Settar voru fram rannsóknarspurningar til að reyna að fanga viðfangsefnið en einnig til að gera rannsakendum kleift að gera þvernorrænan samanburð, sem miðar að því að reyna að finna sameiginlegt mynstur og benda nýjungar í veitingu þjónustu á fámennum svæðum sem mögulega hafa yfirfærslugildi.

Skýrsluna má nálgast hér.

Fyrir áhugasama að þá verður online-workshop 16. febrúar n.k. Skráning og frekar upplýsingar er að finna hér.