Fara í efni  

Fréttir

Ţrír ađilar í Skagafirđi taka ţátt í stóru Evrópuverkefni

Norðurslóðaáætlun Evrópusambandsins (NPP) hefur samþykkt að styrkja verkefnið Broadband in Rural and Remote areas og verður það hluti af Interreg IIIB áætlun NPP.

Sjö íslenskir aðilar verða þátttakendur í verkefninu, þar af þrír á Sauðárkróki; Byggðastofnun, Leiðbeiningamiðstöðin ehf. og Sveitarfélagið Skagafjörður. Aðrir þátttakendur frá Íslandi eru; Ísafjarðarbær, Síminn, Póst og Fjarskiptastofnun og IMG Deloitte ehf en auk þess taka þátt í verkefninu aðilar frá Finnlandi, Svíþjóð og Skotlandi. Að sögn Þórarins Sólmundarsonar, sérfræðings hjá Byggðastofnun, er markmiðið með verkefninu að búa til verkfæri til að skilgreina stöðu sveitarfélaga á sviði upplýsingatækni þar sem horft er til þátta eins og e-learning, e-care, e-work, e-government, e-business og jafnvel fleiri þátta, s.s. menningarstarfsemi. Íslenska áherslan í verkefninu er á stöðugreiningu, markmiðasetningu/framtíðarsýn, áætlanagerð og lausnir.  Hugmyndin að BIRRA kemur upphaflega frá Kemi-Tornio Polytechnic (KTP) í Finnlandi sem fer með verkefnisstjórnun. Verkefnislok eru áætluð júnílok 2006 en verkefnið hefst nú í janúar 2005. Lokaráðstefna verkefnisins verður haldin á Íslandi þar sem gerð verður grein fyrir niðurstöðum þess. Póst og fjarskiptastofnun er matsaðili verkefnisins. Kostnaður við þátttöku Íslands verður rúmar 13 milljónir og heildarkostnaður um 66 milljónir króna.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389