Fara í efni  

Fréttir

Ţróunar- og rannsóknastarf mikilvćgt í byggđaţróun

"Byggðastofnun, í umboði iðnaðarráðuneytisins, gegnir miklu hlutverki í þeirri viðleitni að skapa landsbyggðinni atvinnutækifæri og umhverfi sem laða að fólk með mismunandi menntun og reynslu. Segja má að þetta hlutverk sé tvíþætt. Annars vegar að vinna að undirbúningi, skipulagi og fjármögnun verkefna sem og veitingu lána og ábyrgða, með fjárfestingum í fyrirtækjum og styrkjum til ýmissa verkefna, sem sagt hin almenna fjármálaumsýsla. Hins vegar er það hlutverk Byggðastofnunar, sem ekki er síður mikilvægt, en það er að vinna að eflingu byggðar, með rannsóknum,gagnaöflun og með ráðgjöf og samstarfi af ýmsu tagi," sagði Herdís Á. Sæmundardóttir, stjórnarformaður Byggðastofnunar í ræðu sinni á ársfundi stofnunarinnar.

"Byggðastofnun, í umboði iðnaðarráðuneytisins, gegnir miklu hlutverki í þeirri viðleitni að skapa landsbyggðinni atvinnutækifæri og umhverfi sem laða að fólk með mismunandi menntun og reynslu. Segja má að þetta hlutverk sé tvíþætt. Annars vegar að vinna að undirbúningi, skipulagi og fjármögnun verkefna sem og veitingu lána og ábyrgða, með fjárfestingum í fyrirtækjum og styrkjum til ýmissa verkefna, sem sagt hin almenna fjármálaumsýsla. Hins vegar er það hlutverk Byggðastofnunar, sem ekki er síður mikilvægt, en það er að vinna að eflingu byggðar, með rannsóknum,gagnaöflun og með ráðgjöf og samstarfi af ýmsu tagi," sagði Herdís Á. Sæmundardóttir, stjórnarformaður Byggðastofnunar í ræðu sinni á ársfundi stofnunarinnar.
Herdís lagði áherslu á mikilvægi þróunar- og rannsóknastarfsins hvað byggðaþróun varðar og sagði þann þátt forsendu fyrir því að tækist að skapa jafnvægi í byggð landsins.
"Ég ætla aðeins að víkja að þessu síðara hlutverki stofnunarinnar, þ.e.a.s. þróunarstarfinu. Byggðastofnun gegnir lykilhlutverk í eflingu byggðar í landinu. Í lögum um stofnunina segir m.a. eftirfarandi um hlutverk hennar: ,,Hlutverk Byggðastofnunar er að vinna að eflingu byggðar og atvinnulífs á landsbyggðinni............. Byggðastofnun fylgist með þróun byggðar í landinu, m.a. með gagnasöfnun og rannsóknum. Stofnunin skipuleggur og vinnur að atvinnuráðgjöf í samstarfi við atvinnuþróunarfélög, sveitarfélög og aðra. Stofnunin getur gert eða látið gera áætlanir um þróun byggðar og atvinnulífs í þeim tilgangi að treysta búsetu og atvinnu í byggðum landsins. Stofnunin getur einnig tekið þátt í gerð svæðisskipulags samkvæmt skipulags- og byggingarlögum."
Þetta er stórt hlutverk. Og það er ekki síður mikilvægt en lánastarfsemin. Þær miklu samfélagsbreytingar sem ég nefndi hér í upphafi kalla einmitt á að náið sé fylgst með þróun byggðar og atvinnulífs einstakra svæða þannig að auðveldara sé annars vegar að leiðbeina og stýra tiltekinni þróun til betri vega og hins vegar að grípa til viðeigandi aðgerða þegar áföll í atvinnulífi dynja yfir. Öflugt þróunar- og rannsóknastarf er forsenda þess að okkur beri gæfa til að skapa það jafnvægi byggðar í landinu að fólk og fyrirtæki geti lifað og þroskast við heilbrigð skilyrði.

Lesa erindi Herdísar Á. Sæmundardóttur, stjórnarformanns


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389