Fara í efni  

Fréttir

Umsóknir um margfalt hćrri upphćđum en eru til ráđstöfunar

Á ársfundi Byggðastofnunar kom fram að jafnan eru umsóknarerindi hjá stofnuninni sem nema þreföldum þeim fjárhæðum sem eru til ráðstöfunar þegar um lánveitingar er að ræða, og fimmtán-földum þeim fjárhæðum sem eru til ráðstöfunar varðandi styrki og samfjármögnun. Þetta kallar á forgangsröðun  sérfræðinga stofnunarinnar við allar allar ákvarðanir og tillögur sínar. Hafna verður mörgum erindum og forgangsröðunin verður að lúta jafnræðisreglu og málefnalegu gegnsæi.

Jón Sigurðsson, stjórnarformaður Byggðastofnunar, sagði stofnunina aldrei fara of ýtarlega yfir umsóknir og erindi, til að meta og skilgreina, miðað við þær skyldur og þau hlutverk sem þessari stofnun eru ætluð. “Við verðum að leggja strangar mælistikur um rekstrarhæfi, fjárhagslega burði og málefnalegan, viðskiptalegan og tæknilegan undirbúning. Hvert það verkefni sem fær fjármagn en rennur síðan út í sandinn dregur afl og þrótt og kjark úr mönnum,” sagði Jón í ræðu sinni á fundinum..

Fram kom í máli hans að með róttækum breytingum á verklagsreglum fyrirtækjasviðs, sem samþykktar voru 19. ágúst 2002 og útgefnar með heildarendurskoðun 15. nóvember 2002, hafi verið tryggð miklu jafnari og greiðari afgreiðsla lánaerinda en áður hafi verið. Sett var ný verkaskipting milli starfsmanna og stjórnar sem m.a. gerir ráð fyrir því að umsækjendur hafa málskotsrétt til stjórnar, ef þeir vilja ekki una afgreiðslu stofnunarinnar. Samtímis hurfu stjórnarmenn úr lánanefnd og frá afskiptum af fyrstu umfjöllun um langflest erindi. “Nú starfar Byggðastofnun að þessu leyti mjög líkt sem aðrir fjárfestingarlánasjóðir og tryggt er að jafnræðisregla og góð stjórnsýsla séu í heiðri hafðar,” sagði stjórnarformaðurinn.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389