Fréttir

Verkefnastefnumót Norðurslóðaáætlunar verður í Umeå 2.-3. september - óskað er eftir verkefnahugmyndum.

Fyrirhugað er verkefnastefnumót  Norðurslóðaáætlunar dagana 2. – 3. september í Umeå, Svíþjóð.

Að þessu sinni verður áhersla fundarins á verkefni sem tengjast

1. Samgöngum í dreifbýli (bæði almenningssamgöngur og  flugsamgöngur).
2. Endurnýjanlegum orkugjöfum (í litlumskala).
3. Upplýsingatækni (dreifikerfi/tengingar og þjónusta).

Markmiðið er að hvert þátttökuland eigi fulltrúa í  ofangreindum áherslum.  Nú er verið að kalla eftir verkefnahugmyndum sem fallið gætu að ofangreindum áherslum og þarf að skila þeim inn fyrir 1. ágúst nk.  Þær hugmyndir sem berast verða allar teknar til umræðu með áherslu á að móta sameiginlegar verkefnishugmyndir (forverkefni).

Allar verkefnatillögur eru vel þegnar

Frekari upplýsingar um Norðurslóðaáætlun er að finna á heimasíðu Byggðastofnunar www.byggdastofnun.is/moya/page/npp  og áætlunarinnar www.northernperiphery.net/2007/