Fréttir

ESPON mun þ. 20. ágúst nk. auglýsa eftir hugmyndum um verkefni á sviði byggðarannsókna sem geta hlotið styrki frá stofnuninni. Skilafrestur mun renna út 15. október.
Auglýst verður eftir verkefnum í 3 flokkum: 

1. Hagnýtar byggðarannsóknir. Í þessum flokki verður eitt rannsóknasvið og ein verkefnishugmynd verður valin. 1.000.000 evra verða til úthlutunar.
2. Markrannsóknir að óskum notenda. Í þessum flokki verða átta rannsóknasvið. Ein verkefnishugmynd verður valin á hverju sviði og 1.850.000 evrur verða til úthlutunar.
3. Vísindagrunnur og –tæki. Í þessum flokki verður eitt rannsóknasvið. Ein hugmynd verður valin og 100.000 evrur verða til úthlutunar.

Ísland varð þátttakandi í ESPON um síðustu áramót þannig að íslenskir háskólar og rannsóknastofnanir geta nú tekið fullan þátt í og stýrt verkefnavinnu á sviði byggðarannsókna ESPON.

Nánari upplýsingar er að finna á hér á heimasíðu Byggðastofnunar, á síðu ESPON, http://www.espon.eu/ og hjá Árna Ragnarssyni, starfsmanni þróunarsviðs Byggðastofnunar.