Fara í efni  

Fréttir

Verulegur hallarekstur á síđasta ári

Í ræðu Aðalsteins Þorsteinssonar, forstjóra Byggðastofnunar, á ársfundi stofnunarinnar á Höfn í Hornafirði kom fram að á liðnu ári var verulegur halli á stofnuninni, eða sem nam 408 milljónum króna.

 

Fram kemur í ársskýrslu stofnunarinnar, sem lögð var fram á fundinum, að vaxtatekur námu röskum milljarði króna á síðasta ári og lækkuðu um nærfellt hálfan milljarð króna milli ára. Sömuleiðis lækkuðu vaxtagjöld um svipaða upphæð milli ára. Framlög í afskriftasjóð útlána og niðurfærsla á hlutafjáreign nam hins vegar á síðasta ári röskum 700 milljónum króna.

Niðurstaða efnahagsreiknings 2002 var 13.172 m.kr. og hafði  hækkað úr 13.072 m.kr. árið 2001 en eigið fé lækkaði úr 2.172 m.kr. í árslok 2001 í 1.692 m. kr.  í árslok 2002. Heildarútlán Byggðastofnunar á árinu 2002 námu 2,1 milljörðum og í árslok voru útistandandi lán um 11,3 milljarðar króna.

Fram kom í máli Aðalsteins kom fram að mikil eftirspurn er eftir lánsfjármagni hjá stofnuninni og stefnir í að útlán verði í ár um 2,8 milljarðar króna.

Liðið ár var hið fyrsta sem öll starfsemi er á einum stað og undir sama þaki en umbreyting á stofnuninni hefur sett mark sitt á starfsemina á undanförnum árum. Aðalsteinn ræddi um helstu verkefni stofnunarinnar um þessar mundir og ber þar hæst átak til atvinnusköpunar á landsbyggðinni og framkvæmd byggðaáætlunar. Af öðrum verkefnum má nefna innlend og erlend samstarfsverkefni á sviði byggða- og atvinnumála, samstarf við atvinnuþróunarfélög, uppbyggingu menntunar og fjarkennslu á landsbyggðinni, úthlutun byggðakvóta, jafnréttismál og fleira.

 

 

 


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389