Fréttir

Á grundvelli bráðabirgðaákvæðis XIII í lögum nr.116/2006, um stjórn fiskveiða, með síðari breytingum og reglugerðar nr.1064/2015, auglýsir Byggðastofnun eftir samstarfsaðilum um nýtingu viðbótaraflaheimilda í Grímsey í Akureyrarkaupstað allt að 400 þorskígildistonnum á fiskveiðiárunum 2015/2016, 2016/2017 og 2018/2019.

 Meginmarkmið verkefnisins er að auka byggðafestu í þeim sjávarbyggðum sem:

• standa frammi fyrir alvarlegum og bráðum vanda vegna skorts á aflaheimildum eða óstöðugleika í sjávarútvegi,
• eru háðastar sjávarútvegi og eiga minnsta möguleika á annarri atvinnuuppbyggingu,
• eru fámennar, fjarri stærri byggðakjörnum og utan fjölbreyttra vinnusóknarsvæða.

   Í því skyni er stefnt að uppbyggingu í sjávarútvegi sem:

• skapar eða viðheldur sem flestum heilsársstörfum fyrir bæði konur og karla við veiðar, vinnslu og afleidda starfsemi í viðkomandi sjávarbyggðum,
• stuðlar að sem öflugastri starfsemi í sjávarútvegi til lengri tíma

  Endanlegt val á samstarfsaðilum mun byggja á eftirfarandi þáttum:

• trúverðugum rekstraráformum
• fjölda heilsársstarfa fyrir karla og konur.
• sem bestri nýtingu þeirra veiðiheimilda sem fyrir eru í byggðarlaginu.
• öflugri starfsemi til lengra tíma sem dregur sem mest úr óvissu um framtíðina.
• jákvæðum áhrifum á önnur fyrirtæki og samfélagið.
• traustri rekstrarsögu forsvarsmanna umsækjanda.

 Gert er ráð fyrir að gerður verði samningur vegna fiskveiðiáranna 2015/2016, 2016/2017 og 2017/2018.

 Umsóknum sem ekki falla að markmiðum verkefnisins verður hafnað.

 Umsóknareyðublað, ásamt nánari upplýsingum er að finna á vef Byggðastofnunar www.byggdastofnun.is. Umsóknir skal senda til Byggðastofnunar, á netfangið postur@byggdastofnun.is fyrir kl. 22:00 sunnudaginn 13. desember n.k. Nánari upplýsingar veitir Sigurður Árnason sérfræðingur á þróunarsviði.