Fara í efni  

Fréttir

Stöđugreiningar landshluta

Stöđugreiningar landshluta
Svćđi sóknaráćtlana landshluta

Sóknaráætlanir landshluta eru eitt af 29 verkefnum Ísland 2020. Markmiðið með verkefninu er að færa ákvarðanatöku nær heimamönnum sem þekkja best til aðstæðna á hverjum stað. Það er m.a. gert með því að veita landshlutunum aukin völd og aukna ábyrgð á forgangsröðun og útdeilingu almannafjár til verkefna á sviði byggða- og samfélagsþróunar sem ekki eru falin öðrum með lögum.

Landshlutarnir átta hafa allir hafið vinnu við gerð sóknaráætlunar. Stofnað hefur verið til samráðsvettvangs á hverju svæði með fulltrúum sveitarstjórna og hagsmunaaðila. Hlutverk samráðsvettvangsins er að koma sér saman um framtíðarsýn og móta stefnu og forgangsraða markmiðum og aðgerðum fyrir hvern landshluta. Ábyrgð á sóknaráætlun og útdeilingu fjármuna er hjá stjórn landshlutasamtaka sveitarfélaga.

Verklagið sem sóknaráætlanir fela í sér er nýsköpun í íslenskri stjórnsýslu og segja má að sóknaráætlanir byggi á þrenns konar samvinnu: Samvinnu ráðuneyta í gegnum stýrinet Stjórnarráðsins skipað fulltrúum allra ráðuneyta auk Sambands íslenskra sveitarfélaga, samvinnu sveitarfélaga í gegnum landshluta­samtök þeirra og samráðsvettvanga, sem og samvinnu stjórnsýslustiganna tveggja.

Að beiðni stýrinets Stjórnarráðsins hefur Byggðastofnun unnið stöðugreiningu á nokkrum mikilvægum samfélagsþáttum fyrir alla landshluta. Stöðugreiningin nýtist vel í upphafi sóknaráætlana þannig að hægt er að bera saman þróun þeirra milli tímaskeiða í hverjum landshluta og á milli landshluta. Lokadrög þessara greininga er hægt að sækja hér. Stöðugreiningarnar eru settar fram á myndrænan hátt með stuttum texta til þess að auðvelda samanburð nokkurra mikilvægra þátta og umræður um sóknaráætlanirnar. Ætlunin er að uppfæra stöðuna í hverjum þætti og gera grunngögn aðgengileg á heimasíðu Byggðastofnunar.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389