Fréttir

Hvað gerist þegar norrænir fatahönnuðir fá það verkefni að skapa nýtísku fatalínu úr efniðviði sem sóttur er í hafið, eins og þang, skeldýr, fisk og sel?

Menningarlandið 2017 - ráðstefna um barnamenningu, sem haldin verður í menningarhúsinu Bergi, Dalvík 13. - 14. september 2017. Megintilgangur ráðstefnunnar verður að fjalla um barnamenningu og mikilvægi menningaruppeldis eins og menningarstefna stjórnvalda frá 2013 leggur áherslu á. Áhersla er lögð á menningu fyrir börn og menningu með börnum og er markhópurinn starfandi listamenn, liststofnanir, söfn og aðrir aðilar sem sinna barnamenningu. Aðalfyrirlesari er Tamsin Ace frá menningarmiðstöðinni Southbank Centre í London.

Þróunarsvið Byggðastofnunar, í samvinnu við Hagfræðistofnun Háskóla Íslands, hefur gefið úr skýrsluna Hagvöxtur landshluta 2008-2015 og er þetta í áttunda skipti sem slík skýrsla er unnin. Nokkrar af helstu niðurstöðum skýrslunnar eru að hagvöxtur á tímabilinu mældist 3% á höfuðborgarsvæðinu en 6% utan þess. Framleiðsla jókst mest á Suðurnesjum, Norðurlandi eystra og Suðurlandi. Lítill vöxtur var á Austurlandi og Norðurlandi vestra og á Vestfjörðum dróst framleiðsla saman.

Ráðgjafarsamningur um nýtt skrifstofuhúsnæði fyrir Byggðastofnun á Sauðárkróki, Sauðármýri 2, var undirritaður miðvikudaginn 9. ágúst sl. Áætlunargerð er í fullum gangi með Arkitektastofunni Úti og inni, ásamt VSB verkfræðistofu ehf. og reiknað er með að henni ljúki síðla árs 2017. Áætlað er að byggingin verði tilbúin árið 2019 og að stærð hennar verði um 900 fermetrar.

Markmið örverkefna er að styðja við framtak ungs fólks, kvenna og frumbyggja sem stuðla að farsælli þróun og fjölbreyttu mannlífi á norðurslóðum. Markmið klasaverkefna er að stuðla að auknu flæði þekkingar og betri nýtingu fjármagns og framvindu ESB áætlana sem leggja áherslu á forgangsverkefni sem tengjast norðurslóðum, byggðamálum og hafsvæðum.

Íslenska lánshæfismatsfyrirtækið Reitun ehf. hefur gefið út lánshæfismat á Byggðastofnun í annað skiptið. Einkunnin er i.AAA með stöðugum horfum en i.AAA er besta einkunn sem Reitun gefur og er óbreytt frá síðasta mati. Einkunnargjöf Reitunar miðar við innlendar einkunnir í stað alþjólegra einkunna og er því i. bætt fyrir framan bókstafina. Ríkissjóður fær viðmiðunareinkunnina i.AAA sem er besta mögulega einkunn sem Reitun gefur. Aðrir útgefendur eru metnir út frá þeirri einkunn. Reitun flokkar einkunnir frá i.AAA til i.BBB3 sem fjárfestingahæfar eignir.

Samantekt um skilaboð íbúaþings í Árneshreppi, sem haldið var í júní, liggur nú fyrir. Íbúaþingið var haldið af Árneshreppi, Fjórðungssambandi Vestfirðinga og Byggðastofnun vegna alvarlegrar stöðu byggðarinnar.

Málþing um innanlandsflug sem almenningssamgöngur verður haldið á Hótel Natura 4.október nk. kl.13:00-15:30. Fyrirlesarar koma meðal annars frá Highlands and Islands Enterprise í Skotlandi. Nánari dagskrá verður birt með haustinu.

Norðurslóðaáætlunin (NPA) er samstarfsverkefni Finnlands, Svíþjóðar, Skotlands, Írlands, Norður-Írlands, Íslands, Grænlands, Færeyja og Noregs. Markmið NPA er að aðstoða íbúa á norðurslóðum við að skapa þróttmikil og samkeppnishæf samfélög með sjálfbærni að leiðarljósi.

Nordregio auglýsir laus til umsóknar 3 störf hjá stofnuninni við rannsóknir á dreifbýlisþróun, nýsköpun innan svæða og grænan hagvöxt og þéttbýlis skipulag og þróun. Umsóknarfrestur er til 31. júlí nk.