Fréttir af Byggðaáætlunum

Atvinnuvega- og nýsköpunarráðuneyti hefur falið Byggðastofnun að hefja vinnu við gerð stefnumótandi byggðaáætlunar fyrir tímabilið 2014-2017. Formlegt upphaf þeirrar vinnu var fundur á Hótel Natura í Reykjavík þ. 9. apríl síðastliðinn. Þar gerðu fulltrúar ráðuneyta, sambands sveitarfélaga og vinnumarkaðarins grein fyrir stefnumiðum og áætlunum sem tengjast Byggðaáætlun og lýstu viðhorfum til áætlunarinnar.

Upphafsfundur fyrir mótun stefnumótandi byggðaáætlunar 2014-2017 verður haldinn 9. apríl nk. á Hótel Natura við Nauthólsveg í Reykjavík. Vænst er þátttöku frá ráðuneytum, stofnunum, landshlutasamtökum sveitarfélaga og atvinnuþróunarfélögum því í framhaldi af fundinum munu starfsmenn Byggðastofnunar funda með einstökum landshlutasamtökum og einstökum ráðuneytum.

Alþingi samþykkti 15. apríl sl. þingsályktun um stefnumótandi byggðaáætlun fyrir árin 2010-2013. Meginmarkmið hennar er að bæta skilyrði til búsetu, nýsköpunar og sjálfbærrar þróunar í öllum landshlutum og efla menntun, menningu, samfélög og samkeppnishæfni byggða og bæja landsins.

Tillag til þingsályktunar um stefnumótandi byggðaáætlun fyrir árin 2010-2013 liggur nú fyrir Alþingi. Í athugasemdum við þingsályktunartillöguna segir svo: „Haustið 2008 fól iðnaðarráðherra Byggðastofnun að vinna frumdrög að nýrri byggðaáætlun sem skyldi byggja á grunni gildandi áætlunar fyrir árin 2006-2009. Árið 2009 var ákveðið að móta byggðaáætlunina þannig að hún yrði fyrst og fremst innlegg í Sóknaráætlun 2020 sem nú er unnið að.“

Áætlunin er í vinnslu og drög að aðgerðartillögum hennar hafa verið lögð til kynningar hér á vefsíðuna, undir Byggðaáætlun 2010-2013 hér til hægri. Athugasemdum, ábendingum og nýjum tillögum má koma á framfæri við Byggðastofnun til mánaðarmóta mars og apríl á netafangið byggdastofnun@byggdastofnun.is

Núgildandi byggðaáætlun rennur skeið sitt á enda í lok árs 2009. Iðnaðarráðuneytið, sem fer með byggðamál samkvæmt reglugerð um Stjórnarráðið, fól Byggðastofnun í október síðastliðnum að hefja vinnu við gerð nýrrar byggðaáætlunar sem nái til áranna 2010 – 2013.

Iðnaðarráðherra hefur falið Byggðastofnun að vinna byggðaáætlun fyrir árin 2010 til 2013. Í upphafi þessa verks gekkst Byggðastofnun fyrir málþingi um það undir heitinu Byggðaþróun við breyttar aðstæður.

Málþingið "Byggðaáætlun 2010-2013. Byggðaþróun við breyttar aðstæður. Sóknarfæri og áherslusvið Byggðastofunar" verður haldið að Grand Hótel Reykjavík föstudaginn 28. nóvember.

Byggðastofnun ásamt iðnaðar- og viðskiptaráðuneyti boðuðu til fundar um byggðaáætlun 2006-2009 föstudaginn 18. febrúar á Grand Hótel í Reykjavík. Fundinn sóttu fulltrúar atvinnuþróunarfélaga um land allt og frá samtökum sveitarfélaga. Þar voru kynnt markmið næstu byggðaáætlunar og fundargestum gefinn kostur á að koma sjónarmiðum sínum á framfæri.