Fréttir

Sigurður Ingi Jóhannsson, samgöngu- og sveitarstjórnarráðherra, hefur staðfest tillögur valnefndar um verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni verður 32,5 milljónum króna úthlutað til ellefu verkefna á sviði almenningssamgangna um land allt (aðgerð A. 10) fyrir árin 2020 og 2021 en fyrirheit hafa verið gefin um styrki að heildarupphæð 47,3 milljónum króna á árunum 2020-2023. Markmið með framlögunum er að styðja við áframhaldandi þróun almenningssamgangna um land allt.

Stjórn verkefnisins Öll vötn til Dýrafjarðar (Brothættra byggða) kom saman til fundar í blíðskaparveðri mánudaginn 14. sept. sl. í Blábankanum á Þingeyri eftir langa lotu fjarfunda vegna Covid-19.

Byggðastofnun hefur undirritað samstarfssamning við European Investment Fund (EIF) um aðild að ábyrgðakerfi sjóðsins á grundvelli s.k. COSME áætlunar sem hefur það að markmiði að bæta aðgengi lítilla og meðalstórra fyrirtækja að lánsfjármagni á samkeppnishæfum kjörum.

Byggðastofnun auglýsir styrki til meistaranema sem vinna að lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.000.000 kr. og stefnt að því að veita fjóra styrki.

Samgöngu- og sveitarstjórnarráðuneytið hefur opnað fyrir umsóknir um framlög sem veitt eru til sértækra verkefna sóknaráætlanasvæða, sbr. aðgerð C.1 í stefnumótandi byggðaáætlun fyrir árin 2018-2024. Sérstök áhersla er lögð á svæði sem búa við langvarandi fólksfækkun, atvinnuleysi og einhæft atvinnulíf og verða verkefni sem hafa jákvæð áhrif á þróun byggðar og búsetu sett í forgang.

Tilboð óskast í framkvæmd spurningakannana um búsetuþróun á Íslandi.

NPA Annual Conference 2020 fer fram miðvikudaginn 23. september kl 10:00 - 14:30. Þemað í ár er Innovation for Smart and Resilient Communities. Fundurinn í ár er rafrænn og því eru engar fjöldatakmarkanir. Opnað hefur verið fyrir skráningar.

Eftirlitsstofnun EFTA, ESA, hefur ákveðið að framlengja byggðakort fyrir Ísland um eitt ár, eða fram til 31. desember 2021 en byggðakortinu var ætlað að gilda út árið 2020. Það skilgreinir á hvaða svæðum á Íslandi unnt er að veita svokallaða byggðaaðstoð í samræmi við leiðbeinandi reglur ESA þar um.

Frá og með deginum í dag eiga íbúar landsbyggðarinnar með lögheimili fjarri höfuðborginni kost á lægri flugfargjöldum til höfuðborgarinnar. Sigurður Ingi Jóhannsson, samgöngu- og sveitarstjórnarráðherra, kynnti þessa nýjung, sem ber heitið Loftbrú, á kynningarfundi í flugstöðinni á Egilsstöðum í dag. Jóna Árný Þórðardóttir, framkvæmdastjóri Austurbrúar, hlaut þann heiður að panta fyrsta miðann í gegnum Loftbrúnna en hún er ein þeirra sem unnið hefur ötullega að verkefninu síðustu ár, verkefni sem gengið hefur undir vinnuheitinu „skoska leiðin“.

Ákveðið hefur verið að fresta Byggðaráðstefnunni 2020 sem halda átti á Hótel Kötlu á Höfðabrekku í Mýrdal dagana 13.-14. október nk. Er það gert vegna þeirrar óvissu sem nú ríkir vegna Covid-19.