Fréttir

Vel sóttur íbúafundur var haldinn í samkomuhúsinu Baldri á Drangsnesi í gærkvöldi, 13. október, á vegum verkefnisins Jú víst! Kraftur í Kaldrana. Glatt var á hjalla og íbúar tóku virkan þátt á fundinum.

Byggðastofnun hefur gefið út skýrsluna Tekjur einstaklinga eftir svæðum 2008–2025. Í skýrslunni er fjallað um þróun atvinnutekna eftir svæðum, atvinnugreinum og kyni. Atvinnutekjur jukust um 3,2% á landsvísu árið 2025, mest á Suðurlandi, en drógust saman á Suðurnesjum. Í skýrslunni er einnig fjallað sérstaklega um vægi ferðaþjónustu, en yfir helmingur atvinnutekna í Vestur-Skaftafellssýslu kemur úr einkennandi greinum ferðaþjónustu.

Íbúafundi í verkefninu Fjársjóður fjalla og fjarða hefur nú verið frestað vegna veðurs.

Svarendur á búsetusvæðum með 2.500 íbúa eða fleiri sækja að meðaltali um 91% þjónustu innan eigin þjónustusvæðis, samanborið við 70% á svæðum með 1.000–2.499 íbúa. Munurinn er 21 prósentustig. Þetta kemur fram í þjónustukönnun Byggðastofnunar frá 2024, en fyrri hluti skýrslunnar kom út í mars 2026.

Nú eru ákveðin tímamót í verkefninu Brothættar byggðir þar sem stjórn Byggðastofnunar hefur ákveðið að leggja verkefninu lið með auknu fjárframlagi, samtals 80 m.kr. á ári, næstu fimm árin.

Íbúafundur verður haldinn í Samkomuhúsinu Baldri þriðjudaginn 13. okt. nk. kl. 17:00-20:00 á vegum byggðaþróunarverkefnisins Jú víst! Kraftur í Kaldrana. Á fundinum mun nýr verkefnisstjóri, Ingibjörg Benediktsdóttir, kynna sig til leiks en hún hóf störf í byrjun september og tók við verkefnisstjórn af Valgeiri Jens Guðmundssyni.

Íbúafundur verður haldinn í bókasafni grunnskólans á Reykhólum miðvikudaginn 14. okt. nk. kl. 17:00-19:30 á vegum byggðaþróunarverkefnisins Fjársjóður fjalla og fjarða. Nýr verkefnisstjóri, Guðmundur Konráðsson, mun kynna sig til leiks en hann hefur tekið við keflinu af Emblu Dögg Bachmann og hóf störf síðsumars.

Reykjanesbær gegnir lykilhlutverki í þjónustusókn á Suðurnesjum samkvæmt niðurstöðum þjónustukönnunar Byggðastofnunar, en gagnaöflun fór fram árið 2024. Þegar allir þjónustuþættir könnunarinnar eru teknir saman eru um 89% allra þjónustusóknartilvika Suðurnesjabúa innan landshlutans. Langflest tilvikin, eða 82%, eru í Reykjanesbæ en um 9% á höfuðborgarsvæðinu.

Byggðastofnun hefur sett sér það markmið að heimsækja sveitarstjórnir allra sveitarfélaga í landsbyggðunum. Markmiðið er að kynna starfsemi stofnunarinnar og þau verkefni sem geta nýst sveitarfélögum við fjölbreyttar aðstæður. Verkefnið hófst á síðasta ári og nú hafa 36 sveitarfélög verið heimsótt.

Þrír nýir verkefnisstjórar í Brothættum byggðum komu á námskeið í Byggðastofnun í vikunni þar sem farið var yfir framkvæmd og verklag í byggðaþróunarverkefninu. Öll starfa þau hjá Vestfjarðastofu og sinna hvert sínu þátttökubyggðarlaginu þ.e. Tálknafirði, Kaldrananeshreppi og Reykhólahreppi.