Fréttir

Byggðastofnun hefur opnað mælaborð sem sýnir landfræðilega dreifingu styrkja sem stofnunin hefur veitt frá árinu 2018. Mælaborðinu er ætlað að bæta aðgengi að upplýsingum um starfsemi stofnunarinnar og úthlutun opinberra fjármuna. Stærstu styrkjapottarnir eru sóknaráætlanir landshluta og atvinnuráðgjöf á landsbyggðinni en úr þeim rennur grunnframlag ríkisins gegnum Byggðastofnun til landshlutasamtaka sveitarfélaga. Auk þess veitir stofnunin styrki vegna ýmissa aðgerða á Byggðaáætlun, byggðarannsóknastyrki og styrki til meistaranema.

Daníel Pétur Daníelsson lauk í júní meistaranámi í ferðamálafræði frá Háskólanum á Hólum. Lokaverkefni hans „Ræs! – Síld! Rannsókn á sambandi Síldarminjasafns Íslands við samfélagið í Siglufirði“ er eitt af fjórum verkefnum meistaranema sem var styrkt úr Byggðarannsóknasjóði í desember 2024.

Sjötta kall Norðurslóðaáætlunar var opnað 1. október 2025. Umsóknarfrestur er til og með 2. febrúar 2026.

Starfsfólk Byggðastofnunar tók þátt í ráðstefnunni Punktarnir tengdir (e. Connecting the dots), sem haldin var dagana 1.–2. október 2025 í Bodø í Noregi, þar sem fagnað var 25 ára afmæli Norðurslóðaáætlunarinnar (NPA).

Miðvikudaginn 8. október hittist verkefnisstjórn DalaAuðs til að kynna sér árangur í styrktum verkefnum og til að hitta íbúa Dalabyggðar á árlegum fundi í verkefninu.

Íbúaþing undir merkjum Brothættra byggða var haldið í samkomuhúsinu Baldri á Drangsnesi helgina 4. og 5. okt. sl. Húsnæðismál í víðum skilningi, bætt ásýnd og aukin nýting heita vatnsins, eru mikilvægustu viðfangsefni samfélagsins í Kaldrananeshreppi til að styrkja stöðu byggðarlagsins til framtíðar.

Yfirskrift ráðstefnunnar og viðfangsefni er Félagslegur fjölbreytileiki samfélaga, jafnvægi, áskoranir eða vannýtt sóknarfæri?

Árlegur íbúafundur verður haldinn í byggðaþróunarverkefninu DalaAuði miðvikudaginn 8. okt. nk. kl. 17:30 í félagsheimilinu Dalabúð í Búðardal. Nú eru liðin tæp fjögur ár frá því að verkefnið hóf göngu sína í samstarfi íbúa Dalabyggðar, sveitarfélagsins, Vestfjarðastofu og Byggðastofnunar.

Í dag eru 40 ár liðin frá því að Byggðastofnun var komið á legg með sérlögum. Það er óhætt að segja að stofnunin hafi komið að fjöldamörgum mikilvægum verkefnum fyrir landsbyggðirnar á þessum tíma og er hvergi nærri hætt á þeirri vegferð sinni að efla byggð og atvinnulíf með sérstakri áherslu á jöfnun tækifæra allra landsmanna til atvinnu og búsetu.

Íbúaþing verður haldið í samkomuhúsinu Baldri á Drangsnesi dagana 4. og 5. október nk. Undanfarið hefur verkefnisstjórn nýs þátttökubyggðarlags í Brothættum byggðum í Kaldrananeshreppi undirbúið íbúaþingið sem standa mun yfir frá kl. 11:00-16:00 á laugardeginum og frá kl. 11:00-15:00 á sunnudeginum.