Fréttir

Í átjánda sinn auglýsa Listahátíð í Reykjavík, Byggðastofnun og Icelandair nú eftir umsóknum um Eyrarrósina. Viðurkenningin er veitt framúrskarandi menningarverkefni á landsbyggðinni sem hefur fest sig í sessi. Umsóknarfrestur er til kl. 16:00 miðvikudaginn 13. apríl.

Halla Nolsøe Poulsen, 45 ára og frá Færeyjum, hefur verið ráðin nýr framkvæmdastjóri NORA. Hún tekur við embætti af Ásmundi Guðjónssyni sem einnig er færeyskur og hefur gegnt starfi framkvæmdastjóra s.l. átta ár.

Opið er fyrir umsóknir í Lóuna og er umsóknarfrestur til 27. mars 2023. Áherslur Lóu nýsköpunarstyrkja árið 2023 eru verkefni sem komin eru af byrjunarstigi og tengjast samfélagslegum áskorunum á borð við loftslagsmál, sjálfbærni í heilbrigðis- og menntamálum og sjálfbærni í matvælaframleiðslu.

KOMPÁS þekkingarsamfélagið býður til opins viðburðar þann 16. mars kl. 13:00-14:00. Kynnt verður veflausn Hugtakasafnsins sem er samstarfsverkefni fjölda aðila innan sem utan Þekkingarsamfélagsins.

Síðastliðinn föstudag kvað Landsréttur upp dóm í máli sem höfðað var á hendur Íslenska ríkinu vegna úthlutunar Aflamarks Byggðastofnunar á Þingeyri i á árinu 2018.

Opnað hefur verið fyrir umsóknir um undirbúningsverkefni í Norðurslóðaáætluninni og er umsóknarfrestur til 8. mars nk. Verkefnin eru til að þróa verkefnahugmyndir, gera þarfagreiningar og byggja upp alþjóðlegt teymi verkefnisaðila og ætluð bæði reyndum og óreyndum aðilum á þessum vettvangi. Frekari upplýsingar eru á heimasíðu áætlunarinnar og hjá landstengilið hennar Reinhard Reynissyni á reinhard@byggdastofnn.is

Markmið með starfi NORA (Norræna Atlantssamstarfsins) styrkir samstarf á Norður-Atlantshafssvæðinu. Ein leið að því markmiði er að veita verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Nú er komið að fyrri úthlutun ársins 2023.

Lokaíbúafundur var haldinn í byggðaþróunarverkefninu Glæðum Grímsey þann 14. febrúar sl. Þar með var komið að þeim tímamótum að Byggðastofnun dró sig formlega í hlé úr verkefninu. Undirbúningur verkefnisins hófst á árinu 2015 og íbúaþing var haldið í apríl 2016. Verkefnið hefur hefur verið framlengt tvisvar sinnum. Það má með sanni segja að Grímseyingar hafi tekið höndum saman á verkefnistímanum og unnið að mörgum framfaramálum í eynni.

Samkvæmt lögum nr. 98/2019 um póstþjónustu, eiga allir landsmenn rétt á alþjónustu sem uppfyllir tilteknar gæðakröfur og er á viðráðanlegu verði, sbr. 1. mgr. 9. gr. laganna. Samkvæmt 12. gr. sömu laga getur póstrekandi sem er útnefndur til að veita alþjónustu sótt um til Byggðastofnunar að honum verði með fjárframlögum tryggt sanngjarnt endurgjald fyrir þá starfsemi sem um ræðir ef að hann telur að alþjónusta sem honum er skylt að veita hafi í för með sér hreinan kostnað.

Sigurður Ingi Jóhannsson, innviðaráðherra, hefur úthlutað styrkjum að upphæð 130 milljónum króna til 12 verkefna á vegum sjö landshlutasamtaka sveitarfélaga. Styrkjunum er ætlað að efla byggðir landsins og er úthlutað til sértækra verkefna á sóknaráætlanasvæðum í samræmi við stefnumótandi byggðaáætlun fyrir árin 2022-2036 (aðgerð C.1). Alls bárust 32 umsóknir um styrki að fjárhæð rúmar 857 m.kr. fyrir árið 2023.