Fréttir

Næsti umsóknarfrestur til að sækja um styrki til samstarfsverkefna hjá NORA er 5. október nk.

Föstudaginn 4.september verður haldin ráðstefna í Hátíðarsal Snorrastofu í Reykholti undir yfirskriftinni: ÞING-THING sites - A shared hidden heritage.  Það er fyrsta ráðstefnan innan þessa verkefnis en í kjölfar hennar munu aðilar verkefnisins halda vinnufund á laugardag og sunnudag.

Dagana 21.-22. september nk. verður haldið verkefnastefnumót íslenskra þátttakenda í verkefnum innan Norðurslóðaáætlunar í  Nýheimum, Höfn Hornafirði.

Hagstofa Íslands birti í dag upplýsingar um miðársmannfjölda 2009. Í þeim tölum kemur m.a. fram að íbúum á Íslandi hefur fækkað um 109 frá miðju ári 2008 og að fækkun á milli ára hafi ekki átt sér stað frá árinu 1889. Ef litið er á kynjaskiptingu kemur í ljós að körlum fækkaði um 1.628 á landinu á meðan konum fjölgaði um 1.519.

Á stjórnarfundi Norðurslóðaáætlunar 2007-2013 þann 5. júní sl. voru til afgreiðslu 9 aðalverkefnisumsóknir og þar af voru Íslendingar þátttakendur í  7 .  Af þessum 7 verkefnum voru 5 verkefni samþykkt  (>70% árangur), öll með ákveðnum skilyrðum sem verkefnin eru nú að vinna úr.

Árið 2003 samþykkti ríkisstjórnin sérstaka fjárveitingu til atvinnuþróunarverkefna og úthlutaði Byggðastofnun 150 milljónum króna af þeirri fjárveitingu í verkefnastyrki. Alls voru veittir styrkir til 43ja verkefna og um síðustu áramót var lokið samningstíma flestra þeirra. Nú hefur verið tekin saman greinargerð um sjóðinn og þau verkefni sem styrkt voru.

Þann 24. júní sl. stóðu Byggðastofnun, Nordregio og Iðnaðarráðuneytið í samstarfi við Norrænu embættisnefndina fyrir ráðstefnu um áhrif háskóla og menntunar á byggðaþróun á Norðurlöndunum.

Á ársfundi NORA í Færeyjum þann 27. maí var samþykkt að styrkja 15 verkefni, þar af 12 með íslenskri aðild.

Ráðstefna Nordregio, iðnaðarráðuneytis og Byggðastofnunar um áhrif háskóla og menntunar á byggðaþróun var haldin í Reykjavík miðvikudaginn 24. júní síðastliðinn.