Fréttir

Byggðarannsóknasjóður auglýsir eftir umsóknum um styrki til rannsókna á sviði byggðamála árið 2016. Tilgangur sjóðsins er að efla byggðarannsóknir og bæta þannig þekkingargrunn fyrir stefnumótun og aðgerðir í byggðamálum.

Úthlutun úr Byggðarannsóknasjóði var kynnt á ársfundi Byggðastofnunar sl. föstudag í Vestmannaeyjum. Breytingar á atvinnuháttum, valdefling ungmenna, velferð innflytjenda og samstarf sveitarfélaga eru þau verkefni sem stjórn Byggðarannsóknasjóðs ákvað að styrkja árið 2015.

Byggðastofnun auglýsti eftir umsóknum í nýjan Byggðarannsóknarsjóð í febrúar. Alls bárust 26 umsóknir áður en umsóknarfrestur rann út á miðnætti 8. mars. Einni umsókn var hafnað á þeirri forsendu að hún barst of seint. Til úthlutunar eru 10 m.kr. og samkvæmt reglum sjóðsins er miðað við að styrkirnir séu ekki færri en þrír og ekki fleiri en fimm. Stefnt er að því að tilkynna um úthlutun styrkja á ársfundi Byggðastofnunar þann 10. apríl næstkomandi.

Byggðarannsóknasjóður hefur þann tilgang að efla byggðarannsóknir og bæta þannig þekkingargrunn fyrir stefnumótun og aðgerðir í byggðamálum. Stjórn sjóðsins var skipuð í byrjun árs og auglýsir nú í fyrsta skipti eftir umsóknum um styrki.