Fréttir af NPA

Staða doktorsnema við Skipulags- og hönnunardeild Landbúnaðarháskóla Íslands er laus til umsóknar. Doktorsneminn mun vinna við rannsóknir á skipulagi haf- og strandsvæða á Vestfjörðum. Verkefnið er hluti af stærra rannsóknarverkefni sem nefnist Sustainable Resilient Coasts (COAST) og er styrkt af Northern Periphery & Arctic Programme (NPA) sjóðnum.

Opnað hefur verið fyrir umsóknir hjá NPA.

Á stjórnarfundi NPA sem haldinn var í Sundsvall í Svíþjóð um miðjan mars sl. var samþykkt að styrkja sex samstarfsverkefni. Íslenskir aðilar taka þátt í þremum þeirra, alls nemur styrkfjárhæðin um 2,8 milljónir evra en heildarkostnaður um 4,7 milljónir evra.

Dagana 30.-31. október var haldið verkefnastefnumót Norðurslóðaáætlunarinnar á Hótel Selfossi. Meginmarkmið verkefnastefnumótsins er að efla tengslanet, miðla þekkingu og kynna NPA verkefnin sem íslenskir þátttakendur taka þátt í. Einnig fengu þátttakendur leiðsögn um helstu atriði er varðar fjárhagsuppgjör, skýrslugerð og endurskoðun verkefna og upplýsingar um framgang og stöðu Íslands innan áætlunarinnar.

Norðurslóðaáætlunin 2014-2020 auglýsir eftir umsóknum um verkefnastyrki. Umsóknarfrestur er til 30. nóvember 2018

Íslenskir aðilar eru þátttakendur í fimm af níu nýjum Norðurslóðaverkefnum (NPA) sem stjórn NPA samþykkti 12. júní sl. Samtals námu styrkir til verkefna með íslenskum þátttakendum um 5,4 milljónir evra en heildarkostnaður er um 8,6 milljónir evra.

Áhugaverð námsstefna um leikjavæðingu náttúru- og menningararfs verður haldin í Borgarbókasafninu föstudaginn 16. mars. Námsstefnan er hluti af CINE verkefninu sem nýtur styrks úr Norðurslóðaáætluninni (NPA) íslensku þátttakendurnir eru Gunnarsstofnun og Locatify.

Umsóknarfrestur fyrir verkefnastyrki hjá Norðurslóðaáætluninni (NPA) er frá 1. október 2017 til 28. febrúar 2018.

Árleg ráðstefna Norðurslóðaáætlunarinnar (NPA) var haldin 21. september síðastliðinn í Galway á Írlandi. Yfirskrif ráðstefnunnar í Galway var Blue Opportunities: The Marine Economy in the NPA. Um 130 þátttakendur frá 12 löndum voru samankomnir til að fjalla um tækifæri og vaxtamöguleika sem til staðar eru í sjávarlífhagkerfinu sem er mikilvægt fyrir NPA-löndin sem deila auðlindum Atlantshafsins.

Norðurslóðaáætlunin (NPA) er samstarfsverkefni Finnlands, Svíþjóðar, Skotlands, Írlands, Norður-Írlands, Íslands, Grænlands, Færeyja og Noregs. Markmið NPA er að aðstoða íbúa á norðurslóðum við að skapa þróttmikil og samkeppnishæf samfélög með sjálfbærni að leiðarljósi.