Fréttir

Í dag, föstudaginn 23. maí 2014, var haldinn stofnfundur Rannsóknastöðvarinnar Rifs, sem er sjálfseignarstofnun sem staðsett verður á Raufarhöfn. Stofnaðilar eru Byggðastofnun, Norðurþing og Náttúrustofa Norðausturlands. Í tengslum við átaksverkefni Byggðastofnunar á Raufarhöfn, Brothættar byggðir, hefur síðasta árið verið unnið að stofnun rannsóknastöðvar á Raufarhöfn, með það að markmiði að nýta sérstöðu Melrakkasléttu til rannsókna og styrkja um leið byggð og innviði samfélagsins.

Vegna fréttar sem birtist í Fréttablaðinu í gær, 22. maí undir fyrirsöginni „Öflug nettenging skilyrði lánveitingar“ vill Byggðastofnun taka fram að rangt er að stofnunin hafi sett slík skilyrði fyrir lánveitingu.

Með breytingu á lögum nr. 116/2006 þann 25. júní 2013 samþykkti Alþingi að Byggðastofnun skuli hafa til ráðstöfunar aflaheimildir til að styðja byggðarlög í alvarlegum og bráðum vanda vegna samdráttar í sjávarútvegi. Sjávarútvegsráðherra hefur ákveðið að auka aflaheimildir Byggðastofnunar um 1100 þorskígildistonn og tekur breytingin gildi á næsta fiskveiðiári (2014/2015). Byggðastofnun hefur mótað eftirfarandi viðmið um úthlutun veiðiheimilda samkvæmt þessari heimild.

Kallað er eftir erindum frá fræðimönnum, stefnumótendum og þeim sem vinna á vettvangi um stöðu og þróun byggðar almennt en þó sérstaklega um þemað Sókn Sjávarbyggða: Kemur framtíðin? Koma konurnar? Sérstakar málstofur verða helgaðar þema ráðstefnunnar en viðfangsefni annarra málstofa mun ráðast af þeim erindum sem berast. 



Meginmarkmið Norðurslóðaáætlunar er að stuðla að bættu atvinnu- og efnahagslífi og að eflingu búsetuþátta með fjölþjóðlegu samstarfi. Áherslur áætlunarinnar eru á nýsköpun, frumkvöðlastarfsemi, endurnýjanlega orkagjafa og orkusparnað, verndun náttúru og menningar og hagkvæma nýtingu auðlinda á norðurslóðum. Þátttakendur geta m.a. verið fyrirtæki, sveitarfélög, ríkistofnanir, atvinnuþróunarfélög, mennta- og rannsóknarstofnanir og frjáls félagasamtök.

Byggðastofnun hefur fengið Orkustofnun til að reikna út kostnað við raforkunotkun og húsahitun á sömu fasteigninni á nokkrum þéttbýlisstöðum og nokkrum stöðum í dreifbýli á ársgrundvelli. Viðmiðunareignin er einbýlishús sem er 161,1 m2 að grunnfleti og 351m3. Gjöldin eru reiknuð út samkvæmt gjaldskrá þann 1. apríl 2014.

Í nokkur ár hefur Byggðastofnun birt upplýsingar um íbúaþróun í sveitarfélögum landsins á myndrænann hátt á heimasíðu sinni. Nú hefur tölum vegna ársins 2014 verið bætt inn og nú hægt að sjá íbúaþróun frá 1998-2014.

Ársfundur Byggðastofnunar var haldinn í dag í menningarhúsinu Miðgarði í Skagafirði. Á fundinum var Norðursiglingu og Herði og Árna Sigurbjarnarsonum á Húsavík veittur Landstólpinn fyrir uppbyggingu hvalaskoðunar á Húsavík.

ESA, eftirlitsstofnun EFTA, samþykkti 24. apríl sl. tillögu Íslands um svæði þar sem veita má byggðaaðstoð, svokallað byggðakort. Byggðakortið skilgreinir þau svæði á Íslandi þar sem leiðbeiningarreglur ESA um byggðaaðstoð gilda. Á þeim svæðum einum getur ESA heimilað að Ísland veiti byggðaaðastoð.

Ársfundur Byggðastofnunar verður haldinn mánudaginn 28. apríl nk. í menningarhúsinu Miðgarði, Skagafirði