Fréttir

Elín Gróa Karlsdóttir, forstöðumaður fyrirtækjasviðs Byggðastofnunar sótti fund um stuðning stjórnvalda við fyrirtækjarekstur kvenna sem var haldinn í London dagana 11. og 12. september 2014. Þátttakendur voru frá 13 löndum ásamt starfsfólki frá Evrópuráðinu og EIGE (Evrópsku jafnréttisstofunni). Frá öllum löndunum var einn sérfræðingar frá hinu opinbera og ráðgjafi. Auk Elínar sótti fundinn Lilja Mósesdóttir sem ráðgjafi. Markmið með fundinum var að skiptast á skoðunum um góð verkefni og vinnulag við að styrkja fyrirtækjarekstur kvenna og til að auka sameiginlega þekkingu á milli þátttökulanda. Verkefninu er ætlað að einblína á raunhæfar mælingar á stefnu og á raunhæf verkefni sem eru til staðar og tilfærslu þeirra til annarra landa.

Að undanförnu hafa landshlutasamtök sveitarfélaga og atvinnuþróunarfélög í samstarfi við Byggðastofnunar kannað staðsetningu ríkisstarfa. Könnunin er uppfærsla á annarri könnun sem Byggðastofnun gerði 1994 og var þá liður í undirbúningi fyrir stefnumótandi byggðaáætlun 1994-1997. Uppfærsluna og samanburðinn má sjá á bls. 43-47 í Stöðugreiningu 2013, fylgiriti með stefnumótandi byggðaáætlun 2014-2017, sem sækja má á heimasíðu Byggðastofnunar.1 Þessa uppfærslu jók Byggðastofnun við á árinu 2014 þannig að hún nær til allra stofnana ríkisins og hlutafélaga sem ríkið á að meirihluta og til þéttbýlisstaða á höfuðborgarsvæðinu.

Hámarksstærð verkefna er 2 milljónir evra og er styrkur er háður a.m.k. 40% mótframlagi umsóknaraðila, en styrkur til fyrirtækja er háður 50% mótframlagi. Mikilvægt er að verkefnin skili af sér afurð, vöru og/eða þjónustu sem er til þess fallin að bæta atvinnulíf, búsetu og/eða auka öryggi íbúa á norðurslóðum.

Byggðastofnun og AVS sjóðurinn voru með bás á Íslensku sjávarútvegssýningunni sem haldin var í Fífunni í Kópavogi 18.-20. september sl. Þetta var í fyrsta skiptið sem Byggðastofnun tekur þátt en sýningin hefur verið haldin á þriggja ára fresti frá árinu 1984. Um 14.000 manns koma á sýninguna og 500 fyrirtæki kynntu starfsemi sína. Margir kíktu í heimsókn í básinn og fræddust um stofnunina og AVS sjóðinn.

Góð þátttaka var á Byggðaráðstefnu Íslands 2014 sem fram fór á Patreksfirði dagana 19.-20. september. Yfirskrift ráðstefnunnar var Sókn sjávarbyggða. Hver er framtíðin? Koma konurnar? Flutt voru fjölmörg áhugaverð erindi frá erlendum og íslenskum fræðimönnum, stefnumótendum og þeim sem vinna á vettvangi um stöðu og þróun byggðar og sköpuðust góðar og málefnalegar umræður í kjölfarið.

Nú í byrjun september voru haldnir fundir með nýjum sveitarstjórnum og verkefnisstjórnum í Breiðdalshreppi og Skaftárhreppi í verkefninu Brothættar byggðir. Þar var verkefnið kynnt fyrir nýju fólki í stjórnunum og rætt um framhaldið. Sigríður K. Þorgrímsdóttir og Kristján Þ. Halldórsson sátu fundina af hálfu Byggðastofnunar, en Kristján var verkefnisstjóri á Raufarhöfn og mun nú starfa fyrir verkefnið í heild sinni.

Byggðastofnun óskar eftir tilboðum í eftirfarandi aflahlutdeildir í rækju.

Í maí sl. var auglýst eftir umsóknum um þátttöku í verkefninu um framtíð brothættra byggða. Í auglýsingu kom fram að meginmarkmið verkefnisins á hverjum stað skyldu „ skilgreind af verkefnisstjórn á grundvelli umræðna og forgangsröðunar á íbúaþingum sem ætlað er að virkja frumkvæði íbúa og samtakamátt.“ Einnig kom fram að umsókn þyrfti að vera sameiginleg frá sveitarfélagi, landshlutasamtökum sveitarfélaga/atvinnuþróunarfélagi og íbúasamtökum, þar sem þau væru til staðar.

Norræna Atlantssamstarfið, NORA, styrkir samstarf á Norður-Atlantshafssvæðinu. Í því augnamiði veitir NORA verkefnastyrki tvisvar á ári til verkefna sem eru í samstarfi a.m.k. tveggja aðildarlanda, en löndin innan NORA eru Ísland, Grænland, Færeyjar og strandhéruð Noregs. Nú óskar NORA eftir styrkumsóknum með umsóknarfrest þann 6. október 2014.

Byggðaráðstefna Íslands verður haldin á Patreksfirði 18.-20. september 2014 nk. og stendur skráning yfir. Byggðaráðstefnu Íslands er ætlað að vera vettvangur nýrra rannsókna, reynslu af hagnýtu starfi og umræðu um stefnumótun í sjórnsýslu og stjórnmálum