Fréttir

Fjórða tölublað Nordregio News er komið út. Að þessu sinni er fjallað um borgarþróun á norðurlöndum sem er í takti við það að Nordregio Forum sem haldið var á dögunum fjallaði um tengsl þéttbýlla og strjálbýlla svæða.

Þriðjudaginn 28. nóvember var haldinn íbúafundur í Árneshreppi á Ströndum sem liður í samtali við íbúa vegna verkefnisins Brothættar byggðir, en sveitarfélagið hefur nýverið verið tekið inn í verkefnið. Mjög góð mæting var á fundinn og sköpuðust líflegar og málefnalegar umræður.

Opnað hefur verið fyrir umsóknir um Eyrarrósina 2018. Eyrarrósin er viðurkenning fyrir framúrskarandi menningarverkefni á starfssvæði Byggðastofnunar

Málþinginu um raforkumál sem vera átti á Akureyri 21. nóvember er frestað vegna ótryggs veðurútlits.

Bryndís Sigurðardóttir hefur verið ráðin verkefnisstjóri byggðaeflingarverkefnisins Öxarfjörður í sókn, sem er eitt af átaksverkefnum Byggðastofnunar í samstarfi við atvinnuþróunarfélög, sveitarfélög og íbúa viðkomandi byggðarlaga undir heitinu Brothættar byggðir.

Byggðastofnun stendur fyrir málþingi um raforkumál á Íslandi þriðjudaginn 21. nóvember næst komandi í Hofi á Akureyri. Málþingið hefst kl. 13:00 og stendur til kl. 16:30. Boðið verður upp á léttan hádegisverð frá kl. 12:00.

Fyrsti fundur nýskipaðrar verkefnisstjórnar í byggðaþróunarverkefninu Brothættar byggðir á Borgarfirði eystri var haldinn í félagsheimilinu Fjarðarborg á Borgarfirði miðvikudaginn 1. nóvember. Á fundinum var farið yfir verklag í Brothættum byggðum og það rætt hvernig verkefnið geti nýst samfélaginu á Borgarfirði.

Umsóknarfrestur um starf sérfræðings á þróunarsviði Byggðastofnunar rann út þann 31. október síðast liðinn. Alls bárust 29 umsóknir, 10 frá konum og 19 frá körlum. Mjög ánægjulegt er hversu margir hafa áhuga á að starfa hjá Byggðastofnun.

Senn líður að lokum verkefnisins „Veljum Vopnafjörð“, sem hófst með íbúaþingi í apríl 2016. Verkefnið er leitt af Vopnafjarðarhreppi, með stuðningi frá Byggðastofnun, Austurbrú og Nýsköpunarmiðstöð Íslands.

Á fyrsta fundi nýskipaðrar verkefnisstjórnar Brothættra byggða í Árneshreppi sem haldinn var þriðjudaginn 3. október í félagsheimilinu í Árnesi bar mörg mál á góma. Farið var yfir niðurstöður íbúaþings frá því í júní, stöðuna í Árneshreppi og rætt um næstu skref í verkefninu.